“اصل انا يا اعمل الحاجة صح ١٠٠٪ يا ماعملهاش خالص”.
في ناس كتير بتقول كده، وده معناه اننا عمرنا ما هانعمل حاجة، عشان محدش بيعرف يعمل حاجة ١٠٠٪ ابدا.
اصل الصيام صعب، فهاكل ٥٠٠ مرة في اليوم.
اصل معنديش ساعة اروح فيها الجيم يوميا، فمش هاروح خالص.
اصلي خايف اكل حاجة تطلعني من الكيتوزيز، فمش هاعمل كيتو واقعد اكل نشويات طول النهار.
صوم ٨٠٪ احسن ما تاكل طول النهار.
اعمل كيتو واخرج منه، احسن ما تعيش علي النشويات.
اتمرن ١٠ دقايق كل يوم، بدل ما تقعد تستني تفضي ساعة.
اللي بيبان من برا علي انه perfectionism، واني مستني اعمل الحاجة ١٠٠٪ صح عشان ابدأ، هو في الحقيقة كسل مستخبي.
“الافضل انك تعمل الحاجة حتي لو مش هاتعملها صح، احسن ما ماتعملهاش خالص”.
التعليقات مغلقة.