الكابوريا وما أدراك ما الكابوريا 🦀
الكابوريا ذكور و نتي

الدكور :- لونها أزرق ومليانة لحم ولحمها مسكر والقفل بتاعها من الضهر علامة رفيعة زي برج ايفيل

#النتي :- لونها اورانج ودايما مبطرخة جداً والإقبال عليها دايماً عشان مبطرخة، القفل بتاعها من الظهر عريض جداً.

طريقه غسلها، بتتنقع في مياه وتتشطف كويس مرتين وتتصفي بس …
خلي بالك !!!!
الكابوريا الطازة مالهاش ريحة أبداً.

ليها كذا طريقة اسكندرانى

طريقه المشوية. ترص الكابوريا في صاجة وتدخل الفرن بتاخد من 12 إلى 15 دقيقه في السوا. مبيتحطش عليها ملح لان لحم الكابوريا مملح طبيعي.

طريقه طريقة الحلة (السلق)،
في حله حطوا الكابوريا وفص توم وبصلة متقطعة شرائح وفلفلة وطماطماية متقطعة وملح وكمون ولا يضاف لها مياه. وهي بتنزل مايتها طبيعي وبتستوي على نار هادية في خلال عشر دقايق مع التقليب كل شوية لغاية ما تشرب مايتها.