سر إختفاء سرقه عين الملكه نفرتيتي ؟

فى البداية كده وقبل أى حاجة لازم كلنا نكون متفين إن مفيش ملكة فى تاريخ مصر كله اسمها نقرتيتى أيوة والله

، الملكة اسمها ” نفرت إيتى ”  قول تانى كده  ” نفرت إيتى ” مكونة من كلمتين ، ” نفرت ” بمعنى “الجميلة” ، و” إيتى ”  بمعنى” أتت” أو “حضرت”، إذن معنى إسمها “الجميلة أتت أو حضرت”- و هذه الملكة هي زوجة الملك “أخناتون” من الأسرة 18 ، وقد انجبت له 6 بنات

يلا بينا نعرف لية العين اليسرى مش موجودة ؟!
هقولك كل حاجة وكل الأسباب وهقولك أنهى سبب صح بس الأول لازم تعرف شوية حاجات صغيرة أوى :-
🔲 عمر التمثال أكثر من 3300 عام، نحته النحات المصري تحتمس عام 1345 ق.م تقريبًا، للملكة نفرتيتي زوجة الفرعون المصري إخناتون.
🔲 جعل هذا التمثال من نفرتيتي أحد أشهر نساء العالم القديم، ورمز من رموز الجمال الأنثوىّ.
🔲 عثر عليه فريق تنقيب ألماني عن الآثار بقيادة عالم المصريات لودفيج بورشاردت في تل العمارنة بمصر عام 1912. وضع التمثال في عدة مواقع في ألمانيا منذ عثر عليه، بما في ذلك منجم ملح في ميركس-كيسلنباخ، ومتحف داهليم في برلين الغربية، والمتحف المصري في شارلوتنبورغ والمتحف القديم في برلين. ومنذ 2009، استقر التمثال في متحف برلين الجديد إلى الآن.
🔲 خليك عارف ومتأكد أن التمثال سرق من مصر ونهب بطريقة غير شرعية التمثال محدش شافه فى مصر خالص وقت اكتشافه العالم ده خبى التمثال أثناء تقسيم الاثار المكتشفة ودى طريقة متبعة وقتها للبعثات اللى بتنقب عن الاثار ، التمثال نهب ، أول مره المصريين يشوفوا التمثال كان فى ألمانيا ، تخيل ؟!.

🔵 نرجع لأسباب اختفاء العين اليسرى للتمثال ؟!

 فى الحقيقة هناك عدة تكهنات وأسباب مش سبب واحد ؟!
1️⃣ العين وقعت فى الورشة

 :  افترض “بورشاردت” أن قزحية العين اليسرى لهذه الملكة سقطت عندما خربت ورشة النحات ” تحتمس” شيخ النحاتين ، ولكن فشلت عملية البحث المكثفة في العثور عليها في أنقاض الورشة ، دوروا كتير فى الورشة على القزحية ملقوش حاجة.

2️⃣ عانت الملكة ” نفرت إيتى ” من التهاب في العيون، وأنها فقدت عينها اليسرى

: الكلام ده ملوش أى أساس من الصحة وأثبت فشله تمامًا خالص أوى .
أستنى قولى أثبت فشلة لية : هقولك يا محترم لأنهم وجدوا تمثال تانية للملكة ” نفرت إيتى ” وكانت عنيها اليسرى موجودة وكمان المعابد اللى موجود فيها تماثلها العين كاملة ، فلو هو عيب أو مرض يبقى كل التمثايل تكون كده مش بس ده.

3️⃣ التمثال متعملش العين اليسرى لية عمدًا

 : أيوة بقى هو ده ، أنا شخصيًا مع الرأى ده وأغلب الناس مع الرأى ده وهقولك أسباب اختيارى للرأى ده :-
العالم الألمانى للمصريات ” ديتريش فيلدونغ ” مسك المتحف المصرى فترة كرئيس للمتحف قال أن التمثال ده كان يستخدم من قبل شيخ النحاتين ” تحتمس” لتعليم تلاميذه كيفية نحت الهيكل الداخلى للعين، وبالتالي لم يتم إضافة القزحية اليسرى ، يعنى التمثال كان وسية تعليمية.

أنا قولت لك التمثال لقوه فين ” جدع ” فى ورشة  ولم يكن فى الخارج أو فى معبد أو مقبرة وده يدل انه قد يكون تحت الانشاء لسة مخلصش أو كان وسيلة تعليمية.

4️⃣ العين دمرت بعد كده بعامل الزمن  :  يعتقد الدكتور زاهى حواس أن تحتمس صنع العين اليسرى، ولكن تدمرت في وقتٍ لاحق.

🔵 أنا طولت عليك قوى أستحمل آخر حاجة ونكمل بعدين
أنت عمال تقولى البطانة الداخلية والبطانة هى البطانة دى كانت أية أصلاً ، حلو السؤال وهقولك :
العين اليسرى لرأس الملكة  ” نفرتيتى”   تفتقر إلى البطانة الموجودة في اليمنى ” اللى هى أيه ”  حيث أن بؤبؤ العين اليمنى من الكوارتز المطلى باللون الأسود والمثبت بشمع العسل.