من علي لسان وزير النقل كامل الوزير
بعد توسعة الدائري هيكون في ٢٥ متر حرم للدائري من الجنبين كل جنب ٢٥ متر وهيترصف ويتنضف وهيتعمل في مواقف للميكروباص والاتوبيسات الخاصه أو اتوبيسات النقل العام ومش هيكون في سلالم علي الدائري اللي عايز يركب من الموقف من تحت
المواقف/ مسطرد / الخصوص/ المرج /السلام/ العاشر
بالنسبه للعمارات والبيوت اللي هتكون في حرم الدائري بعد التوسعه في مسافة الـ ٢٥ متر هتتهد وهتتزال بعد التعويض
بالنسبه للي ساكن مؤقت أو مفتوح أو تمليك هياخد تعويض ٤٠ ألف جنيه عن كل غرفه الصاله بتتحسب غرفه والحمام والمطبخ بيتحسبو غرفه
يعني لو شقتك غرفتين وصاله ومطبخ وحمام هتاخد ٢٠٠ ألف جنيه تعويض ده بالنسبه للشقق
المحلات المتر ٣ آلاف جنيه
السكان هيتعوضو سواء كانت العماره او البيت مخالف او مش مرخص او مبني على أرض الدوله السكان ملهاش دعوه هياخدو فلوس من الدوله
هيجيلك إخطار من محافظة القليوبية عن طريق الحي او مجلس المدينه اللي انت تابع ليها انك تروح تشوف ايه الإجراءات وفي خلال ١٥ يوم بعد إنتهاء الإجراءات بتستلم التعويض وبتمضي علي تنازل للدوله وبتاخد مهله شهرين تخلي الشقه
ركز معايا كويس في النقطه دي عشان مهمه
طب الأرض اللي كان مبني عليها العماره أو البيت لو كانت العماره او البيت مبنيه على أملاك الدوله مش هياخد ولا جنيه تمن الأرض
طب ايه هي أملاك الدوله ركز عشان متسألش في الكومنتات حرم الدائري قبل التوسعه قانونا ٥٠ متر يعني اي عماره او بيت في حيز الـ ٥٠ متر قبل التوسعه مش هياخد تمن الأرض السكان بس اللي هياخدو تعويض الشقق والمحلات
التعليقات مغلقة.