يعني إيه تشتغل بذكاء مع مجهود بدني قليل و تحصل اكتر من الناس اللي بتعمل مجهود بدني كبير

في مقوله كده بتقول ” don’t work hard work smart ” .. يعني انك تشتغل بذكاء مع مجهود بدني قليل ممكن تحصل اكتر من الناس اللي بتعمل مجهود بدني كبير ..

ايه الفكره في كده؟؟ انت ممكن تعمل اعمال بسيطه وتاخد عليها ثواب كبير جدا

السيده جويريه زوجة النبي(ﷺ) كانت قاعده في مسجدها بتذكر ربنا من صلاة الفجر لحد الضحى .. النبي سألها انت فضلتي قاعده الوقت ده كله ؟قالتله اه .. قالها انا قلت اربع كلمات 3 مرات ثوابهم بنفس ثواب الوقت اللي قعدتي تذكري ربنا فيه .. (( سُبْحَانَ اللهِ وَبِحَمْدِهِ عَدَدَ خَلْقِهِ، وَرِضَا نَفْسِهِ وَزِنَةَ عَرْشِهِ، وَمِدَادَ كَلِمَاتِهِ))

هتاخد 1.6 مليار حسنه لو قلت اللهم اغفر لجميع المؤمنين والمؤمنات .. قال النبي(ﷺ): من استغفر للمؤمنين والمؤمنات كتب الله له بكل مؤمن ومؤمنة حسنة)

قال النبي(ﷺ): من قرأ حرفا من كتاب الله فله به حسنة ، و الحسنة بعشر أمثالها ، لا أقول { الم } حرف و لكن : الف حرف ، و لام حرف ، وميم حرف