- زمان كان فيه بياع عصير قصب مصري .. السوق ريح معاه فألف حديث ونسبه للرسول صلى الله عليه وآله وسلم علشان يزود مبيعاته (( عجبت لأهل مصر كيف يمرضون .. وعندهم عصير القصب والليمون )) ..
- زمان كان فيه بياع هريسة .. برضو حب يزود مبيعاته .. فألف حديث مختصره ان النبي اشتكي لجبريل قلة الجماع فقاله (( أين أنت من أكل الهريسة.. فإن فيها قوة أربعين رجلا )) ..
- زمان كان فيه تاجر من قبيلة تسمي ( ماعية ) .. كانت تسكن ببر مصر وحصل بينها وبين قبيلة تانية نزاع على احقية سيادة بلدهم .. فواحد من ماعية ألف حديث في فضل قبيلته علشان يحسم الصراع ( الناس مرحومون ما بقت ماعية ) ..
.
.
بعض الشيوخ – ما شاء الله ولا قوة الا الله – تحس انهم شغالين متعهدين احاديث مكذوبة .. ناقص يجيبلك حديث يقولك ( اذا لم تنشره فاعلم ان قناة ناشيونال جيوجرافيك هى التى منعتك ) ..
حاولت احسن كتير الظن بيه كغيره من المسلمين لقيت ان اعظم مراتب حسن الظن فيه انه يكون جاهل جهل مركب .. جاهل وميعرفش انه جاهل .. ربنا يعلمنا واياه ..
هذكر امثلة بما ان البعض طلبها ..
من فترة هبد حديث مفاده ان مفيش حد من الصحابة شاف النبي صلى الله عليه وآله وسلم .. وكل واحد كان بيشوفه بصورة شكل !
من فترة قال حديث ( تمشطوا فان الشيطان لا يتمشط ) ودا مش هتلاقيه فى السلسلة الموضوع للالباني نفسها ..
غير انه حكي عن دفن رأس سيدنا الحسين فى مصر .. ودى مش مشكلة اوى لو قال ان الكلام دا منسوب لبعض المؤرخين اللى ملهمش فى قال الله قال رسول الله .. لكنه قال ان الازهر عمل لجنة وكشفوا على الراس لقوها موجودة!! طب الراس دي جت منين ؟ على جمعة مثلا كان بيقول ان الجسد دفن بكربلاء ودا محل اجماع .. وبعدين حد اخد الراس دفنها فى عسقلان فى فلسطين .. وبعدين ييجي بقى المؤرخين يقولوا بدر الدين الجمالى جابها من عسقلان اتمشي بيها لمصر و لف بيها كام اسبوع فى قصور القاهرة وبعدين دفنها .. حاجة فى منتهي قلة الاحترام لسيد من سادتنا بحجم سيدنا الحسين رضى الله عنه .. ومفيش عيل صغير بيشغل مخه ممكن يقبل كلام زى دا ..
وغيرهم كتير من الامثلة .. - حديث امنا فاطمة لما قالها النبي ( انك ستلدين غلاما هنأني به جبريل ) .. وطلب منها مترضعوش لمدة شهر !! حديث موضوع من وضع الشيعة.
- حديث امنا فاطمة .. انها مكانتش بتحيض .. برضو مما ذكره ودا حديث موضوع بروايتيه .
- ذكر ان سيدنا الحسين رضع من لسان سيدنا النبي.
التعليقات مغلقة.