فيديو غريب جدا لرئيسة الوزراء الإسرائيلية الشهيرة جولدا مائير واللي كانت رئيسة الوزراء أثناء حرب اكتوبر معرفش إيه سياق الكلام او مناسبته اللي خلاها تقول الكلام ده

فيديو غريب جدا لرئيسة الوزراء الإسرائيلية الشهيرة جولدا مائير واللي كانت رئيسة الوزراء أثناء حرب اكتوبر معرفش إيه سياق الكلام او مناسبته اللي خلاها تقول الكلام ده.

الكلام عبارة عن حقائق تاريخية المفترض انها معروفة تاريخيا لكن آلة الإعلام بتاعتهم في كل مكان بتحاول تطمسها لكنها بتعترف بيها ببساطة وبوضوح وبتقول.

انه قبل سنة 48 مكنش فيه حاجة اسمها اسرائيل كان بس فلسطين.

مكنش فيه حاجة اسمها ضفة غربية وشرقية كان فلسطين بس.

وبتحدد حدود فلسطين من العراق للبحر المتوسط وأنها كلها دي فلسطين.

وبتقول كمان انها فلسطينية!

وأنها قعدت من سنة 22 لحد 48 بتحمل جواز سفر فلسطيني!

بتقول مكانش فيه حاجة اسمها يهودي وفلسطيني.

كانوا كلهم فلسطينيين لكن كانوا إما عرب او يهود!

زي ما قلت ده كلام بديهي بس غريب لما يطلع على لسان عدوك في حين بني جلدتك بيحاولوا يتغاضوا عنه وينكروه كمان.

ده اعتراف ضمني بالخيانة لفلسطين اللي أوتهم على ارضها وردوا الجميل باحتلالها.

اعتراف ضمني باغتصابهم حق مكنش ملكهم من الأساس.

وأنهم سبب الخراب والعنصرية اللي حصلت من 48 ومستمرة لحد دلوقتي. ومش عارف ليه حسيتها لما بتقول أنها فلسطينية أنها بتتكلم بحنين وحسرة كدة!