من أسوء أدوات التربية ( التنافسية ) ..
انك تربي ابنك على التنافسية مع ابن عمه او جاره او زمايله فى المدرسة .. انت كدا بتدمر ابنك حرفيا وبتعمل منه كائن مشوه .. مش انسان سوى ..
.
من اضرار التنافسية :-
- طفل فاقد الثقة فى نفسه.
- طفل مش شايف نفسه مهم عند ابوه وامه .. بل مجرد اداة بيستخدموها لضرب خصومهم عن طريق ابنائهم.
- طفل مصاب بأمراض الحقد والحسد والغيرة.
- طفل ميعرفش حاجة عن اخلاص العمل لله .. هو اتعود انه يجتهد ويسحل نفسه لمجرد انه يحس ان محدش فوقه.
- طفل هيكبر بعد كدا ويروح الجامعة يشيل الشنطة للدكتور و يخزوق دفعته من وراهم عمال على بطال.
- انسان كل اللى حواليه بيلعنوه وبيتجنبوه.
- انسان هيبقى اب فيما بعد وهيتبع نفس الاسلوب مع اولادهم و هيساهم فى نشر المرض دا اكتر واكتر ..
.
.
التنافسية اللى مفروض تربي ابنك عليها هى تنافسيته مع نفسه .. انه يكتشف اوجه القصور فى شخصيته ويحاول يصلحها .. انه يشوف مواطن القوة ويحاول يدعمها .. انه يبقى النهاردة انسان احسن من امبارح .. وبكرة انسان احسن من النهاردة ..
التعليقات مغلقة.