انت بطل

وانت بتحارب عشان توفر مصاريف الزواج وتبص جنبك تلاقي شخص تاني أهله تكفلوا بمصاريف زواجه
أو وانت طالع عينك عشان تركب مواصلات وتلاقي حد جنبك راكب Bm ماما جيباهاله فعيد ميلاده
الألفين جنيه اللي بتقبضهم عيال بتصرفهم وهما قاعدين علي كافيه في الساحل
والله العظيم علي أد ما مشوارك صعب بس ممتع
عربيتك الرخيصة اللي من تعبك شرف
ولو مش هتقدر تجيب خالص وبتركب توكتوك فهو شرف برضو
ولو ممعاكش تمن التوكتوك وبتمشي عشان توفر فلوسه فانت بطل ومقاتل
شقتك اللي شطبتها علي 5 مرات عشان مكانش في فلوس تكفي
قعدتك فيها فرحه واحد عنده فندق 5 نجوم
متفقدش الأمل ولا تيأس وتتحول لناقم علي حياتك وحاسد لغيرك
انت مقاتل وراجل فزمن قلما تجد فيه هذا النوع
بدعي ربنا دايما يرزق كل الأبطال اللي بياكلو من عرقهم احنا اقوي

ربنا يعين كل راجل ابن أصول شايل ليلته بطوله، ويراضي كل شاب عاوز يعيش حياته بالحلال يارب