اللبس الواسع بيئة بس الـ over size كيوت..
إطلاق اللحية وحش بس November look حلو..
“علمواْ أولادكم السباحة والرماية وركوب الخيل” فكر قديم، لكن لازم الـ kid sport..
الخمس صلوات (اللي لو صليتهم كلهم بالوضوء والخشوع والسنّة كمان مش هتاخد أكتر من ٣٠ دقيقة/٢٤ ساعة) بس كتير وربنا غفور رحيم والعمل عبادة، لكن ٤ ساعات في الـGym عاش يا وحش..
الـyoga والـmeditation ثورة جديدة، لكن عبادة (التدبّر) المهملة مش مفهومة ولا منطقية.
صيام اثنين وخميس مش لازم ومشقة، بس دكتور الـ Diet قال الصيام المتقطع حلو.
نفسنا نسافر ونلف العالم، لكن الحج “لمن استطاع اليه سبيلاً” وكتير ٦٠ ألف في رحلة واحدة في العمر!!
لا_للتنمر و stop_bullying ، ومش فاكرين “لا يسخر قوم من قوم” و “من حسن إسلام المرء تركه ما لا يعنيه”
وأمثلة كتيرة يحاول البعض منا تغيير منطقها الديني، وتحويلها لأي مسمى جديد يلقى رواج أكبر..
بمبدأ (خير الطعام ما كان في سلال الآخرين)
تذكروا المرور علي الصراط المستقيم واستقيموا يرحمكم الله
التعليقات مغلقة.