اللحمة المسلوقة مافيش فيها اى افتكاسات وكلنا بنعرف نسلقها فا هنعدى الحتة دى (( سخن الماية وحط معلقة سكر وشيل الريم كل شوية او تاخد غلوة بماية بس ونغير الماية ونحط معلقة سكر علشان تستوى بسرعة واوعى تحط ملح وانت بتسلق وحط بصلة وشوية فلفل اسود وفى اخر عشر دقايق حط الملح والحبهان والقرفة واى نوع بهارات عطرى براحتك )) شكرا كده ونحمرها فى حتة زبدة او سمنة او نعملها صنية بقى ونغير وهنا الوصفة الجديدة بقى
نجيب علبة زبادى ومعلقتين صلصة وشوية بهارات على ذوقك بقى ومعلقة سمنى كبيرة او ذبدة سايحة كبيرة او من غير خالص براحتك وفصين توم وقلب كل ده مع بعضه واديهم عصرة لمون او غطاء خل ورشة جوزة الطيب وحط اللحمة المسلوقة فى صنية الفرن وصب الخلطة عليهم ودخلها الفرن وسبها لحد ما تتحمر مع بعض ولوعاوز تزود بصل مقطع شرايح او خضار (( بس الخضار هنا اديله سلقة زى البطاطس والكوسة والجزر او اى خضار متوفر او من غير براحتك
وممكن متحطش حاجة من ده كله خالص وتكتفى بمعلقة السمنة او الذبدة
وناكل جمبها رز ابيض بقى سهل وسريع وجميل
نغسل الرز سواء مصرى او بسمتى بس البسمتى انقع الرز شوية وحط فى السوا معاه حتة جنزبيل وفصين توم مهروسين بينقل الرز البسمتى لحتة تانى وبيستوى بسرعة ومش بيعجن ولا محتاج اى تعب وبهارات الرز عموما ملح وفلفل اسود ومكعب ماجى وشكرا
طب لو رز مصرى بقى
اغسل الرز كويس وصفيه
عاوز تعمله بسعرية تحمر الشعرية فى معلقة سمنة وشوية زيت او زبدة وزيت المكس ده حلو جدا ولما الشعرية تتحمر انزل بالماية ومعلقة ملح ممسوحة وفلفل اسود ورشة كزبرة ويغلو وانزل بالرز طب معيار الماية (( تعبت على ما ظبت معايا معيار الرز ده والاى هى كل كوباية رز عليها كوبيتين ماية من نفس الكوباية وريح دماغك اسهل من حركة المعلقة او النظر )) ولو رز ابيض بقى مش ابو شعرية
حط معلقة سمنة ومعلقتين زيت وانزل بالرز وتكون الماية سخنة ونفس المعيار ونفس البهارات ووطى النار وسيبه ربعاية كده وحاول متكشفش الرز او تقلبو كتير وتنزل البقالة او تروح السوبر ماركت وتجيب شوية مخلل والف هنا وشفا على قلبك ..
التعليقات مغلقة.