النبي يونس لما ربنا حب يعاتبه كان عتاب ربنا ليه أشد من عتابه لأي نبي تاني باستثناء آدم
النبي يونس لما ربنا حب يعاتبه ، كان عتاب ربنا ليه أشد من عتابه لأي نبي تاني باستثناء آدم ….
مش بس ربنا عاقبه بانه ابتلعه الحوت لمدة 3 أيام …
لكن ربنا وصفه بأشد الأوصاف اللي قلما يتوصف بيها نبي …
أول وصف :
(فَالْتَقَمَهُ الْحُوتُ وَهُوَ مُلِيمٌ ) أى مستحق اللوم …
يعني يستاهل يتلام بعد اللي عمله
الوصف الثاني قاسي ؟
عن إنقاذه … ربنا قال (فَنَبَذْنَاهُ ) ولم يقل فأخرجناه ، ونفس القول (فَنَبَذْنَاهُ ) (وَهُوَ مُلِيمٌ ) اتقال عن فرعون وقومه أثناء غرقهم (فَأَخَذْنَاهُ وَجُنُودَهُ فَنَبَذْنَاهُمْ فِي الْيَمِّ ) …..
ربنا وصفه وقال انه كان هيبقى مذموم … قال ( لَوْلَا أَن تَدَارَكَهُ نِعْمَةٌ مِّن رَّبِّهِ لَنُبِذَ بِالْعَرَاء وَهُوَ مَذْمُومٌ )
الوصف الثالث أشد قسوة ؟
لما يونس يأس من قومه ان حد فيهم يؤمن غضب منهم وسابهم ومشي يحاول مع ناس غيرهم ….
لما ركب سفينة في البحر يروح مكان تاني ربنا أمر الرياح تشتد والأمواج تشتد…
فلما عملوا قرعة كذا مرة ، عشان يختاروا من بينهم واحد يرموه في البحر يخففوا حمولة المركب…. وكان اسم يونس بيطلع في كل مرة… وفي الآخر رموه في البحر…
ربنا وصف يونس بإنه ” أبق ” (وَإِنَّ يُونُسَ لَمِنَ الْمُرْسَلِينَ إِذْ أَبَقَ إِلَى الْفُلْكِ الْمَشْحُونِ )
( إِذْ أَبَقَ ) وربنا مقالش ( إذ هرب ) والإباق للعبد فى لسان العرب ـ و لا يوصف به الأحرار.
الوصف الرابع أشد قسوة على يونس ؟
تكملة الآية… ربنا بيقول ( فَسَاهَمَ فَكَانَ مِنْ الْمُدْحَضِينَ )
ربنا قال عن خسارته فى قرعة النجاة و الغرق (فَكَانَ مِنْ الْمُدْحَضِينَ ) … يعني المغلوبين المنهزمين قليلي الحظ
الأوصاف اللي ربنا وصف بيها يونس عليه السلام قاسية ….
السؤال بقى….
#ليه عتاب ربنا ليونس أشد من أي نبي تاني ؟؟
ايه اللي النبي يونس عمله عشان يحصل فيه كده ؟
تعالوا نسمع الحكاية من الأول ….
كان فيه مدينة في شمال العراق اسمها ( نينوي ) عاصمة الدولة الأشورية ….
كانت من أغنى وأعظم المدن في التاريخ
التعليقات مغلقة.