ﻓﻲ ﻳﻮﻡ ﻣﻦ الأيام ﻓﻲ ﺣﺪ إدﺍﻧﻲ 5 ﺟﻨﻴﻪ ﻣﻘﻄﻌﺔ وقديمة ، ﺍﻟﻠﻪ ﻳﺴﺎﻣﺤﻪ إللي دبسني فيها بقي !!
ﺣﺎﻭﻟﺖ أتخلص ﻣﻨﻬﺎ ﻛﺘﻴﺮ ﻭﻣﻌﺮﻓﺘﺶ ، كل ﻣﺎ ﺃﻗﻒ ﻋﻨﺪ ﻛﺸﻚ أشتري بيها ﺣﺎﺟﺔ البياع ﻳﻘﻮﻟﻲ ( معلش ﺷﻮﻓﻠﻲ 5 ﺟﻨﻴﻪ ﻏﻴﺮ ﺩﻱ )
ﻛﻞ ﻣﺎ ﺃﺭﻛﺐ ﻣﻴﻜﺮﻭﺑﺎﺹ ﺃﺷﺪ ﻣﻊ ﺍﻟﺴﻮﺍﻕ بسببها ﻭﺃﺿﻄﺮ ﺃﻓﻚ 100 ﺟﻨﻴﻪ ﻋﺸﺎﻥ ﺃﺟﺮﺓ 3 ﺟﻨﻴﻪ ﻭاﻻ 2 ﺟﻨﻴﻪ ونص !!
ﺣﺘﻰ ﻣﺤﻄﺎﺕ ﺍﻟﺒﻨﺰﻳﻦ إﻟﻠﻲ ﺑﻴﺎﺧﺪﻭﺍ ﺃﻱ ﻓﻠﻮﺱ ميرضوش ﻳﺎﺧﺪﻭﻫﺎ ﻟﺪﺭﺟﺔ ﺇﻧﻲ ﻑ ﻣﺮﺓ ﺣﺎﻭﻟﺖ ﺃﺩﻳﻬﺎ ﻟﺸﺤﺎﺕ ﻓﺒﺼﻠﻲ ﺑﺼﺔ ﺻﻌﺒﺔ ﺃﻭﻱ ﻭﻛﺴﻔﻨﻲ ﺟﺪاً فاديته ﻏﻴﺮﻫﺎ ﻭﻓﻀﻠﺖ ﺃﻧﺎ ﻻﺑﺲ ﻓﻴﻬﺎ !!
ﺍﻗﺘﻨﻌﺖ ﺇﻧﻲ ﺧﻼﺹ ﻣﺶ ﻫﻌﺮﻑ ﺃﺧﻠﺺ ﻣﻨﻬﺎ ، ﻭﺑﻄﻠﺖ ﺃﺣﺎﻭﻝ ﺃﺻﺮﻓﻬﺎ ، ﻓﻀﻠﺖ ﺷﺎﻳﻠﻬﺎ في ﺍﻟﻤﺤﻔﻈﺔ ﻭﺃﻧﺎ ﻣﺶ ﻣﻌﺘﺒﺮﻫﺎ ﻓﻠﻮﺱ ، ﻣُﺠﺮﺩ ﻭﺭﻗﺔ في ﺍﻟﻤﺤﻔﻈﺔ ﻭﺧﻼﺹ !!
ﻓﻠﻮﺱ ﺗﺮﻭﺡ ﻭﻓﻠﻮﺱ ﺗﻴﺠﻲ ﻓﻠﻮﺱ ﻣﺮﺗﺐ ﻭفلوس جمعية ﻭﻓﻠﻮﺱ تقع ﻣﻨﻲ وازعل ﻋﻠﻴﻬﺎ ، ﻛﻞ ﺩﻩ وهي ﺯﻱ ﻣﺎ هي ، ﻣﻜﺎﻧﻬﺎ ﺛﺎﺑﺖ ما بيتغيرش !!
عمرها ﻣﺎ ﺣﺴﺴﺘﻨﻲ ﺇﻥ ﻣﺤﻔﻈﺘﻲ ﻓﺎﺿﻴﺔ ، ﺣﺘﻰ ﻟﻮ ﻓﻠﻮﺳﻲ ﻛُﻠﻬﺎ ﺧﻠﺼﺖ ﻛُﻨﺖ دايماً ﻫﻼﻗﻲ الـ 5 ﺟﻨﻴﻪ ﺍﻟﻘﺪﻳﻤﺔ ﺑﺘﺎﻋﺘﻲ ﻗﺎﻋﺪﺓ جوة ﻭﻣﺮﺑﻌﺔ ، ﺩﺍﻳﻤًﺎ ﻣﻮﺟﻮﺩﺓ !!
ﻟﺤﺪ ﻣﺎ في مرة كنت ﻣﻌﺪﻱ ﻋﻠﻰ ﻛﺸﻚ واحد صديقي ، ﻭﻛﺎﻥ ﻧﻔﺴﻲ في ﻛﻴﺲ شيبسي ﺃﺑﻮ 5 ﺟﻨﻴﻪ ، فأﺧﺪﺕ كيس ﻭﺭوﺣﺖ ﺃﺣﺎﺳﺒﻪ ، ﻭﻣﻜﻨﺶ ﻣﻌﺎﻳﺎ ﻏﻴﺮ 200 ﺟﻨﻴﻪ ، ﻭﻫﻮ ﻣﻜﺎﻧﺶ ﻣﻌﺎﻩ ﻓﻜﺔ ، ﻭﺑﻌﺪ ﻛﺜﻴﺮ ﻣﻦ ﺍﻝ ” ﺧﻠﻴﻬﺎ ﻋﻠﻴﻨﺎ ﺍﻟﻤﺮﺍﺩﻱ ” ﻭ ” ﺍﻟﻤﻜﺎﻥ ﻣﻜﺎﻧﻚ ” ﻭ الكلام اللي انتوا عارفينه ده ﺿﺮﺏ ﻋﻴﻨﻪ في ﺍﻟﻤﺤﻔﻈﺔ ﺷﺎﻑ الـ 5 ﺟﻨﻴﻪ ﺑﺘﺎﻋﺘﻲ فقالي ” مانت ﻣﻌﺎﻙ 5 ﺟﻨﻴﻪ ﺃﻫﻲ ﻣﺎ ﺗﺠﻴﺒﻬﺎ ” ، ﻃﻠﻌﺘﻬﺎ ﻭﺭﻳﺘﻬﺎﻟﻪ ﻭﻗﻠﺘﻠﻪ ﺑﺴﺨﺮﻳﺔ ” ﻣﺶ ﻫﺘﻨﻔﻌﻚ ﺩﻱ ﺧﺎﻟﺺ ﺻﺪﻗﻨﻲ ، ﻣﺶ ﻫﺘﻌﺮﻑ ﺗﺼﺮﻓﻬﺎ ، ﻟﻘﻴﺘﻪ ﺭﺍﺡ ﺿﺎﺣﻚ ﻭﻗﺎﻡ ﻗﺎﻟﻲ ( ﻫﺎﺗﻬﺎ ﻭﻣﻠﻜﺶ ﺩﻋﻮﺓ )
ﻭﻫﻮ ﺑﻴﻤﺪ ﺇﻳﺪﻩ ﻋﺸﺎﻥ ﻳﺎﺧﺪﻫﺎ ﻟﻘﻴﺘﻨﻲ في ﺭﺩ ﻓﻌﻞ ﻏﺮﻳﺐ ﻣﻨﻲ ﺑﺮﺟﻊ ﺇﻳﺪﻱ ﻟﻮﺭﺍ ومتمسك بالـ 5 ﺟﻨﻴﻪ أوي !!
ﺍﺳﺘﻐﺮﺑﺖ من ﺭﺩﺓ ﻓﻌﻠﻲ ﺩﻱ ﺃﻭﻱ ، وسألت نفسي ﻫﻮ ﺃﻧﺎ ﻣﺶ ﻋﺎﻳﺰ ﺃﺩﻳﻬﺎﻟﻪ ﻭﻻ ﺇﻳﻪ ؟؟؟
ﻣﺶ ﺩﻱ الـ 5 ﺟﻨﻴﻪ ﺍﻟﻠﻲ كنت ﻫﻤﻮﺕ ﻭﺃﺧﻠﺺ ﻣﻨﻬﺎ !!
ﻣﺶ ﺩﻱ الـ 5 ﺟﻨﻴﻪ ﺍﻟﻤﻘﻄﻌﺔ ﺍﻟﻤﻠﺰﻗﺔ إﻟﻠﻲ ﺣﺎﻟﺘﻬﺎ ﺑﺎﻟﺒﻼ ، ﻟﻴﻪ مش ﻫﺎﻳﻦ ﻋﻠﻴﺎ ﺃﺩﻳﻬﺎﻟﻪ ﺃﻭﻱ ﻛﺪﻩ ؟؟؟
اﺳﺘﻌﺒﻄﺖ ﻧﻔﺴﻲ ﺃﻭﻱ ساعتها ، ﻭﺍﺑﺘﺴﻤﺖ ﻭﺍﺩﻳﺘﻬﺎﻟﻪ ﻭأﺧﺪﺕ ﻛﻴﺲ ﺍلشبيسي ﻭﻣﺸﻴﺖ ، ﺗﺎﻧﻲ ﻳﻮﻡ ﻭﺃﻧﺎ ﻧﺎﺯﻝ ﺑﻔﺘﺢ ﺍﻟﻤﺤﻔﻈﺔ علشان ﺃﺣﻂ ﻓﻴﻬﺎ فلوس ﻣﻠﻘﺘﺶ ﺍلـ 5 ﺟﻨﻴﻪ
ﺍﺗﺨﻀﻴﺖ ﻭﻗﻠﺒﻲ ﺍﺗﻘﺒﺾ ، ﺍﻓﺘﻜﺮﺗﻬﺎ ﻭﻗﻌﺖ ﻣﻨﻲ ، ﻭﺑﻌﺪﻳﻦ ﺍﻓﺘﻜﺮﺕ ﺇﻧﻲ ﺻﺮﻓﺘﻬﺎ ﺍﻣﺒﺎﺭﺡ ﻭﻛﻨﺖ ﻧﺎﺳﻲ ، ﻭﺇﻧﻲ ﻣﺶ ﻫﺸﻮﻓﻬﺎ في ﻣﺤﻔﻈﺘﻲ ﺗﺎﻧﻲ ، ﻭﺣﺴﻴﺖ ﺳﺎﻋﺘﻬﺎ ﺇﻧﻲ ﺯﻋﻼﻥ !!
ﺻﺪﻗﻴﻨﻲ ﺃﻧﺎ ﻋﺎﺭﻑ ﺇﻥ ﺇﺣﻨﺎ ﻣﺶ ﻣُﻨﺎﺳﺒﻴﻦ ﻟﺒﻌﺾ ، ﻋﻴﻮﺑﻚ ﻛﺘﻴﺮ ﻭﻋﻴﻮﺑﻲ ﺃﻛﺘﺮ ﻭﻣﻜﻨﺎﺵ ﻣﺴﺘﺤﻤﻠﻴﻦ ﺑﻌﺾ ﺃﺳﺎساً ، ﺑﺲ ﺩﻩ مايمنعش ﺇﻧﻲ ﻛﻞ ﻓﺘﺮﺓ ﺑﻔﺘﺢ ﻣﺤﻔﻈﺘﻲ ﻭﺃﺩﻭّﺭ عليكي ﺟﻮﺍﻫﺎ
ﺩﻩ مايمنعش ﺇﻧﻲ ﻛﻞ ﻣﺎ ﺑﺸﻮﻑ ﻭﺍﺣﺪﺓ شبها ﺑﺒﺘﺴﻢ ﻭﺃﻓﺘﻜﺮها ﻭهيا كانت مطلعة ﻋﻴﻨﻲ ﻛﻞ ﻳﻮﻡ !!
ﻣُﻤﻜﻦ ﺃﻛﻮﻥ ﺍﺗﺨﻠﻴﺖ عنها ﺣﻘﻴﻘﻲ ممكن ﺃﺑﻘﻰ ﻣﺶ ﻋﺎﻳﺰها ﺗﺮﺟﻌﻠﻲ ﺑﺲ ﺩﻩ ﻣﻴﻤﻨﻌﺶ ﺇنها ﺑﺘﻮﺣﺸﻨﻲ ﻭﺇﻧﻲ ﻣﻦ ﺣﻘﻲ ﺃﺣﻦ ﻛﻞ ﻓﺘﺮﺓ ﻭﺃﻓﺘﻜﺮها ، ﻭﺇﻧﻲ ﺣﻘﻴﻘﻲ ﻧﻔﺴﻲ ﺃﻃﻤّﻦ ﻋﻠﻴها !!
فجأه لقيت نفسي بجرى علي صاحبي ( صاحب الكشك )
وبسأله عنها فضحك صاحبي وطلعهالي من الدرج وقالي
تقريباً ماحدش عارف قيمتها غيرك ، وكإن الكل مش عايز يقتنع بيها عشان ترجع لك !!
🔹 علاقتنا ببعض الناس في حياتنا شبيهة بالعلاقه دي
فيه ناس في حياتنا محدش عارف قيمتهم غيرنا ومهما اتعاملوا مع ناس تانية مش هيلاقوا حد يحبهم زينا ولا محتاجهم زينا ولا هيبقوا عليهم زينا
التعليقات مغلقة.