الصورة دي لصلاح اول يوم يصل فيه القارة الاوروبية عام 2013

الصورة دي لصلاح اول يوم يصل فيه القارة الاوروبية عام 2013
كان فيه لقاء تلفيزيوني مشهور اوي .. المذيع استضاف فيه لاعب مصر الدولي ولاعب ليفربول محمد صلاح .. المذيع حرفيا كان بيستجدي من المتصل هاتفيا على القناة باعتباره احد مسئولي نادي المقاولين بانهم يدرسوا بجدية العرض المقدم من نادي بازل السويسري لضم محمد صلاح للنادي

السويسري وانه يحترف في اوروبا مقابل 3 مليون يورو ومحمد صلاح بيقول له حضرتك انا كل اللي طالبه منكم فقط تقابلوا الكابتن جورج رئيس نادي بازل السويسري و هو مستعد ينزل مصر يتفاوض

معاكم والمتصل بيرد عليه ويقوله ابعت لي رقمه اكلمه .. واضح من كلام محمد صلاح وقتها ان نادي المقاولين العرب كان بيتهرب من مقابلة رئيس النادي السويسري وكانوا هايضيعوا على صلاح فرصة الاحتراف في اوروبا ..

الممتع في اللقاء ان المتصل هاتفيا ختم اتصاله بنصائح لصلاح بيقوله انت يا صلاح مش عارف العيشة في اوروبا عاملة ازاي الموضوع مش بالبساطة دي لازم تستعد ..

متخيل صلاح نجم القارة الاوربية الان وهو بيتفرج على الحلقة دي بعد مرور 10 سنوات كاملة وبيضحك حتى البكاء .. هكذا هي البدايات ستتعثر كثيرا لكن لابد وان تنهض وتواصل السير لعل هنالك نور في اخر النفق المظلم ..

افرد أشرعتك بإتجاه الرياح العاتية.. غادر مينائك ثم احرق كل سفن العودة