لو مفيش شغل ليك في فودافون انزل اشتغل في محل سيد فون هتتعلم احسن من قعدتك
لو مفيش شغل في شركه بترول انزل اشتغل في بنزينه هتقابل ناس وخبرات وهتستفاد
لو مش لاقي فرصه في اوراسكوم للإنشاءات انزل اشتغل مع مكتب مقاولات صغير هتاخد خبره وهيبقي عندك فرصه لاثبات ذاتك اكتر
لو مش قادر تتعلم طيران روح اتعلم جرافيك وصمم احلي طياره علي مزاجك
بلاش تمشي مبدء يا دا يا بلاش عشان هيعدي الزمن وهتلاقي نفسك متساوش والشركات الكبييره مش بتنجح حد
اللي عايز يتعلم ويكبر وينجح ومقرر دا هينجح حتي لو نزل غسل عربيات في الشارع زي ما انا افتخر اني في ٢٠١٧ كنت بنزل اغسل عربيات في عز البرد والحمد لله دلوقتي عندي مصنع بيصنع منتجات غسيل السيارت
انا مش قصه نجاح وانت عندك فرص افضل مني مليون مره بس علي الاقل انا حاولت وكافحت لحد ماوصلت ل ١ ٪ من احلامي بفضل ربي وحده
الله لا يعاملك باسماء الشركات ولا بمدي فخامه من تعمل ولكن يعاملك بمدي ايمانك به وبحجم سعيك
حط حلم قدامك وسعيك ومجهودك في ايدك وقول يارب ومتحسبهاش وهيجي اليوم اللي هتستغرب انك عايش فيه حلمك وانت مش واخد بالك ودا هيحصل بكرم ربك وحده وليس ذكاء منك
وأن ليس للإنسان الا ماسعي
التعليقات مغلقة.