عارف لو زرعت عنب فوق سطح بيتك ايه اللى هيحصل ؟؟
1- هتقلل درجة الحرارة على سطح المنزل 7 درجة مئويه عن الحرارة العادية لانك هتمنع سقوط اشعة الشمس بطريقة مباشرة على البيت وهنا بنتكلم على الصيف خلى بالك
2- زراعة واحد متر مربع مساحة خضراء يكفى احتياجات الفرد من الاكسجين طوال العام
3- هيعطى ظل وحماية لخصوصية السطح يعنى ممكن تطلع انت واولادك عادى جدا وتقعدو من غير ماحد يتطفل على الخصوصية خاصة لو عملنا سياج اشجار فاكهة على سور السطح 🙂
4- هتاكل احلى ورق عنب اورجانيك بدون اى كيماويات
5- وهتاكل ورق عنب
الطريقة ازاى ؟ هقولك 🙂 بص يا سيدى 🙂
أ- هتجيب برميل بلاسيتك وتخرمه من اسفل علشان يصرف الماء الزائد من الزراعة
ب- تحضر الطمى الزراعى + الرمل بتاع المبانى بعد غسيلة من الاملاح وتخلى النص رمل والنص طمى تخلطهم مع بعض كويس
ج تجيب حوالى 4 كيلو فضلات طيور وحمام علشان دا السماد العضوى اللى هيغذى النبات
د- تخلط كله مع بعضة وتضعه فى البرميل دا
ع – هتشترى شتلة عنب من اى مشتل فاكهة من وزارة الزراعة او المشاتل التابعة لمدريات الزراعة او من اى مشتل من المشاتل الموجوده فى الطرق العمومية بس يكون فاكهة او من مراكز البحوث او من كليات الزراعة
و – هتجيب الشتله وتحفر حفره فى البرميل وتشيل الكيس المغلف لشتلة العنب وتضع الشتله براحة فى قلب البرميل وتردم عليها بالتربة تانى
ق – ترويها مرتين صبح بدرى فى واخر النهار فى الصيف ووكل يومين فى الشتاء
وبكدا يبقى عندك شجرة عنب لما تكبر هتعمل ليها تكعيبه اللى هيا السلك المشدود على اعمده بطول السطح علشان العنب بيفرش نفسه عليها زى المنظر المفرح اللى فى الصورة
التعليقات مغلقة.