شوية نصايح من غير ماتروح جيم هيغيروا جسمك وصحتك وحياتك !!
لو إنت من الناس الكبيره في السن أو من الناس المشغوله ومش فاضيه تنزل جيم أو حتي من الناس إللي بتكره حياة الفتنس والإلتزام بتمارين وعدد سعرات حراريه محدد أيه رأيك في شوية نصايح كده تضيفها لحياتك حاول تعمل منها على قد ماتقدر واللي ماتعرفشش تعمله كله ماتسيبوش كله ؟
١- أيه رأيك لو مشيت كل يوم أو يوم بعد يوم على قد ماتقدر نص ساعه أو ساعه بس تمد شويه في المشي ؟
٢- أيه رأيك لو مره أو مرتين كل أسبوع على قد ماتقدر إنشالله بس يوم الاجازه تحاول تلعب تمارين سويدي في البيت (ضغط – عقله – إسكوات بوزن الجسم – بطن عليا – بطن سفلي – طعن – سمانه بوزن الجسم – بلانك) ؟
٣- أيه رأيك لو شيلت السكر الابيض خالص من حياتك وبدلته بستيفيا أو سويتال واستبدلت الحلويات والعصاير بالفاكهه الطازه ؟
٤- أيه رأيك لو منعت المقلي والمسبك من أكلك خالص وبدلته بالمشوي والمسلوق ؟
٥- أيه رأيك لو قللت من الرز والعيش والمكرونه في أكلك وزودت من اللحمه الحمرا وصدور الفراخ والاسماك والجبنه القريش وبياض البيض والشوفان والسلاطه والخضار المسلوق والفاكهه الطازه ؟
٦- أيه رأيك لو شربت كل يوم ٤ لتر ميه وتسيبك خالص من المياه الغازيه والعصاير والشاي والقهوه والنسكافيه ؟
٧- أيه رأيك لو تنام كل يوم عالأقل ٧ ساعات وتنام بدري وتصحي بدري ؟
٨- أيه رأيك لو تلاقي نفسك متنرفز ومضغوط إبعد عن مصدر الضغط النفسي وحاول تتحرك وتلعب رياضه وتخرج الغضب من جواك برياضه تفيدك مش بحاجه تضرك زي التدخين أو المخدرات ؟
التعليقات مغلقة.