صلاح جري 5 كيلو في 20 دقيقة ‼️
لكن خالد جري 5 كيلو في 30 دقيقة
مين أسرع وأقوى وأفضل ؟؟
- صلاح طبعاً !!!!!
بس صلاح جري الـ 5 كيلو داخل إستاد وعلى نجيلة ، وخالد جري الـ 5 كيلو على الشاطئ وعلي أرض رملية !!
مين أسرع وأقوى وأفضل ؟؟
- كده إحتمال يكونوا متعادلين
طيب صلاح عنده 25 سنة ، وخالد عنده 45 سنة
مين أسرع وأقوى وأفضل ؟؟
- كده يبقي خالد !!!!!
طيب صلاح وزنه 70 كيلو ، وخالد وزنه 85
- كده يبقي خالد أفضل بكتير أوي !!!!
صلاح معافي ، وخالد عنده إصابة
صلاح كل يوم يجري المسافة دي ، وخالد أول مرة
وهكذا .. كل ما نعرف عن خالد أكتر وعن ظروفه كل ما هنديله تقدير أكبر ومكانة أعلي !!
طب إيه رأيك في نفسك لما حكمت إن صلاح أفضل من خالد من أول سؤال فوق ؟؟؟
- كنت سطحي جداً
كذلك هي نفس السطحية لما تقارن نفسك بأي حد من غير ما تبص لظروفه وظروفك !!
كل واحد بيئته مختلفة والفرص إللي بتقابله في حياته مختلفة وأسرته مختلفة وقدراته مختلفة ..
مينفعش تحكم على نفسك إنك متأخر علشان حد في سنك سبقك ، لأنك ممكن تكون إنت إللي سابق بحسب الظروف والمعطيات إللي في حياتك وهو إللي متأخر !!
متحكمش على نفسك بأنك فاشل علشان غيرك جاب مجموع أعلى أو اتوظف في وظيفة أحسن أو اشترى عربية أو اتجوز قبلك ؛ ممكن إنت إللي تكون سابقه بكتير أوي !!
واحد طلع على الدنيا في أسرة بسيطة أو كان يتيم وهو المسؤول الأول عن أسرته واتجوز على سن 30 أنجح مليون مرة من واحد طلع على الدنيا في ظل والده الميسور واتجوز وهو عنده 20 أو 25 سنة !!
واحد درس في مدارس مصرية وهو بيصرف على نفسه أنجح بكتير من واحد درس برة علشان حد ساعده وسفره !!
المقارنة الوحيدة الصحيحة والعادلة إنك تقارن نفسك دلوقتي بنفسك من فترة
في ناس كتير سابقة وناجحة ومتفوقة ومش حاسة بنجاحها بسبب المقارنات إللي بتعملها بينها وبين غيرها ، وبتحكم على نفسها بالفشل لمجرد إنها جريت 5 كيلو في 30 دقيقة وغيرها وصل في 20 دقيقة فقط
- لا تحكم علي الكتاب من الغلاف *
التعليقات مغلقة.