🎆 مشاكل العين والأدوية وقطرات العين المختلفة
⬅️ وحضرتك واقف ف الصيدلية يا دكتور هتجيلك حالة بتشتكي من العين.
أزاي تقدر تتعامل مع الحالة وأيه القطرة أو المرهم المناسب للحالة دي؟
💢عشان متكنش تاية بين قطرات ومراهم العين الكتيرة ركز معايا.
لازم تعرف أن فيه فرق بين
♦️خراج العين stye
♦️وبين الكيس الدهني chalazion
*️⃣ أول حالة ((خراج العين stye))
⬅️ خراج العين بيبقي سببه bacterial infection أدت لتجمع pus بيبقي شبه الحباية الكبيرة كده وفيها صديد وبتبقي مؤلمة وهتلاقي المريض بيقولك أنا نمت وصحيت لقيتها ظهرت يعني ظهورها بيبقي acute onset
⬅️ دي علاجها سهل وغالباً المريض بيكون كشف عند دكتور العيون وجايبلك روشتة وفيها أدوية وبعض الناس بتروح للصيدلي وبتقوله أديني علاج
💢طيب علاجها أيه يا دكتور ؟؟
⬅️ أول حاجة كده تقول المريض أنه يعمل زي كمادات ماية دافية لمدة ١٠ -١٥ دقيقة ع العين ودا ليه ؟؟
⬅️ عشان نزود ال blood supply في المنطقة دي ويقدر يحارب ال bacterial infection دا هيساعد إنه يقلل من ال stye
⬅️ بعد كدا بندي topical antibiotic زي ؟؟
⬅️ لو مرهم بيبقي يستخدمه مرة واحدة قبل النوم ولو قطرة بيبقي مرتين يومياً
♦️Tobrin drop/oint
♦️Tobrex drop/oint
♦️Terramycin oint
♦️Tymer drop
♦️Ciprocin drop
⬅️ ساعات الموضوع بيطول شوية وممكن ميخفش بسرعة بندي للمريض oral antibiotic ع حسب الحالة زي ؟؟
♦️Flumox tab
♦️Hibiotic tab
*️⃣ الحالة الثانية ((الكيس الدهني chalazion))
⬅️ ودا سببه أنه حصل إفراز للدهون من oil gland وتراكمت وحصل زي حباية كده هتلاقي المريض بيقولك أنه مفهاش ألم وكمان ظهورها مش بيبقي فجأة بتبدأ تظهر وتكبر ف الحجم مع الوقت وكمان مفهاش صديد.
⬅️ ممكن يحصل بعد كده bacterial infection لو الموضوع أهمل ومتعالجش
⬅️ الأفضل أن المريض يروح لدكتور عيون وننصحه يعمل كمادات مايه دافية ٣-٤ مرات يومياً .
⬅️ ف حالة حصل secondary bacterial infection المريض بياخد مضاد حيوي .
💢هتلاقي ف الصور شكل الحالتين عشان تعرف الفرق بينهم
التعليقات مغلقة.