قائد القوات الأوغندية يعرض الزواج على رئيسة وزراء إيطاليا المقبلة ويهدد بغزو إيطاليا إذا رُفض العرض

بواسطة Tapias Perez آخر تحديث أكتوبر 5, 2022

🔴 المهر 100 بقرة.. قائد القوات البرية الأوغندية يعرض الزواج على رئيسة وزراء #إيطاليا المقبلة ويهدد بغزو #إيطاليا إذا رُفض العرض

🔴 تلقت رئيسة وزراء #إيطاليا المقبلة #جورجيا_ميلوني عرضا، للزواج من قائد عسكري أوغندي، حيث عرض عليها 100 بقرة من أفضل الأنواع المعروفة في بلاده من فصيلة “نكور” مهراً للزواج منها.

🔴 وقدم قائد القوات البرية الأوغندية موهوزي كايينرجابا، وهو نجل الرئيس الحالي يوري موسيفيني والمرشح الأبرز لخلافته، عرض الزواج الذي قد لا يعدو المزاح من خلال عدة تغريدات على “تويتر”.

🔴 وبدأ كايينرجابا تغريداته بالتساؤل “كم بقرة تعطيها لرئيسة وزراء إيطالية القادمة؟” ليجيب هو عن السؤال بالقول “سأعطيها 100 بقرة من نوع “نكور” على الفور! لكونها شجاعة وصادقة!” .

🔴 ثم هدد كايينرجابا في تغريدة لاحقة بغزو إيطاليا من أجل محو الإهانة التي ستلحق به إذا ما تم رفض عرضه، لكنه سارع إلى حذفها لتجنب أي صدام ديبلوماسي، وأبقى عرض الزواج في انتظار رد جورجيا ميلوني

ملخص الهجرة لاستراليا وشرح كل التفاصيل

AUSTRALIAN اخبار استراليا

ملخص الهجرة لاستراليا

1- اختيار الفيزا
فيه فيز كتير ….. مبدئيا كلامي هنا عن اشهر فيزتين …. 189 و 190
189 اسمها Skilled Independent يعني عمالة ماهرة مستقلة
190 اسمها Skilled Nominated يعني عمالة ماهرة مرشحة (من قبل ولاية)

الافضل و الاسهل في الاجراءات هي 189 ….. و لكن احيانا بنضطر ل 190 …. ليه؟

لو مهنتك مش مفتوح لها 189 بس مفتوح لها 190
لو مش قادر تجيب 60 درجة مجموع كلي …. و جبت 55 .. التقديم ل 190 في حد ذاته و الحصول على ترشيح من ولاية يمنحك 5 درجات اضافية
طيب مبدئيا ازاي اعرف مهنتي مفتوح لها و لا لأ؟
بسيطة ….. خش هنا

http://www.border.gov.au/…/Sk…/skilled-occupations-lists/SOL

لو مهنتك موجودة في ال SOL يبقى تقدر تقدم على 189 و خش عالخطوة 2 و ما تكملش قراية الخطوة 1
smile emoticon

لو مش موجودة ….. شوف هنا في ال CSOL

http://www.border.gov.au/…/S…/skilled-occupations-lists/CSOL

و لو موجودة …. للاسف برضه لسه مش مضمون انك تقدر تقدم على 190 …. بس فيه فرصة …. وهنعرف ليه قدام …..
لو لقيتها موجودة ….. خش على الموقع ده

Anzscosearch

و حط الكود بتاع المهنة (6 ارقام) و شوف انهي ولايات فاتحة الترشيح ليها
و خش على #موقعحكومةالولاية و شوف شروطها للترشيح للمهنة دي …… كل ولاية و بتحط شروط زي ما تحب و نفس الولاية ممكن تشرط شروط مختلفة من مهنة لمهنة (شروط في الفلوس اللي معاك او الانجليزي بتاعك او انك تكون درست او اتخرجت او ليك قرايب في الولاية الخ الخ الخ)

🔸ملحوظة هامة : حتى في حالة استيفاء شروط الولاية للترشيح لفيزا 190 ممكن الولاية ترفض الترشيح ….. لان الولاية بتقارنك بغيرك اللي مقدمين للترشيح

في حين ان على النقيض …. في 189 (لو مهنتك مفتوح لها 189) …. لو جبت الدرجات الدعوة مضمونة ….. (اكرر #الدعوة هي اللي مضمونة مش #الفيزا) …

كده احنا لخصنا اختيار الفيزا ….. نخش على خطوات كل فيزا

2- خطوات الفيزا
الخطوات في 190 زي 189 مع فارق واحد بس و هنشوف دلوقتي
189 :
1- امتحان الانجليزي
1 مكرر – التقييم المهني
2- اظهار الاهتمام Expression of Interest or EOI
3- انتظار الدعوة
4- طلب الفيزا
190 :
1- امتحان الانجليزي
1 مكرر – التقييم المهني
2- EOI
2 مكرر – طلب الترشيح من الولاية المختارة
3- انتظار الدعوة
4- طلب الفيزا
نبتدي بالخطوات المشتركة :
3- امتحان الانجليزي
🔸استراليا بتقبل امتحانات كتير للانجليزي زي :
✅ IELTS General
✅ PTE Academic
✅ TOEFL iBT
✅ CAE
و في بعض التخصصات بيبقى لازم امتحان معين زي OET للاطباء و IELTS Academic للمحاسبين و المدرسين و الاكاديميين

لازمتمتحنانجليزي_الاول و تشوف انت سكورك كام و السكور ده هيديك كام درجة …… الحد الادنى للسكور هو Competent English و بيدي صفر درجات ….. يليه Proficient English و بيدي 10 درجات ….. يليه Superior English و بيدي 20 درجة

لمعلومات عن السكورات المطلوبة لكل امتحان اتفضل هنا

http://www.border.gov.au/…/how-can-i-prove-i-have-competent…

http://www.border.gov.au/…/how-can-i-prove-i-have-proficien…

http://www.border.gov.au/…/how-can-i-prove-i-have-superior-…

4- التقييم المهني
باختصار ….. وزارة الهجرة في استراليا تؤمن بمبدأ ادي العيش لخبازه ….. عشان اي واحد يقول انا مهنتي كذا لازم يروح للجهة المعنية بالمهنة دي و يطلب السماح …. قصدي يطلب التقييم …..
تعرف منين جهة تقييم مهنتك؟
من ال SOL او ال CSOL هتلاقي قدام مهنتك اسم الجهة في الجدول …… زي مثلا ACS و VETASSESS و Engineers Australia الخ الخ الخ
تخش موقع الجهة و تشوف طلباتهم ايه ….. ايه الورق المطلوب و الخبرات المطلوبة الخ الخ الخ …… لازم في الاخر يوافقوا عليك من الناحية المهنية
5- اظهار الاهتمام Expression of Interest أو EOI
في حالة 189 …. انت بتملا استمارة و بتحسب سكورك
على اساس :

1- السن : تحت 25 = 25 درجة
من 25 ل 32 = 30
من 33 ل 39 = 25
من 40 ل 46 = 15
فوق 46 = صفر

2- المؤهل :
بكالوريوس : 15 درجة
دبلوم : 10
الدكتوراة لو معتمدة بتدي درجات اكتر بس الماستر زيه زي البكالوريوس
3- الخبرة (حسب اعتماد جهة التقييم و ليس العدد الفعلي للسنوات)
اقل من 3 سنين : صفر
من 3 ل 5 : 5
من 5 ل 8 : 10
اكتر من 8 : 15

4- الانجليزي كما سبق الشرح
5- لو الزوجة مهنتها في نفس الليست بتاعتك يعني 189 و SOL او 190 و CSOL ….. يبقى ينفع تاخد 5 درجات عنها بشروط
أ- تعمل تقييم مهني للزوجة برضه
ب- الانجليزي بتاعها عالاقل Competent
ج- سنها اقل من 50
في حالة 190 بيزيد عالبيانات انك بتختار ولاية ……
بعد التقديم عال EOI … لو انت 189 بتستنى الدعوة (حسب سكورك بتاخد اولوية) …. لو 190 بتقدم طلب لحكومة الولاية بالترشيح و تكتب فيه رقم ال EOI … و تستنى موافقتهم او رفضهم ….
6- التقديم عالفيزا
بعد حصولك عالدعوة سواء من حكومة ولاية (190) او من وزارة الهجرة (189) معاك مهلة 60 يوم للتقديم عالفيزا
بتقدم اونلاين و بتدفع بالكريدت كارد
رسوم الطلب بتكون محددة علي صفحة اداره الهجرة الاسترالية
زوجتك لازم عالاقل (لو مش واخد درجات عنها) تكون جايبة Functional English

http://www.border.gov.au/…/how-can-i-prove-i-have-functiona…

لو ماجابتهوش ….. هتدفع حوالي 5000 دولار استرالي زيادة !
و بتقدم شوية اوراق تثبت ادعاءاتك (السن : شهادة الميلاد, الخبرة : كشوف حساب البنك بتحويل المرتب الخ الخ, قسيمة الزواج الخ الخ) ….
بيتطلب منك
1- كشف طبي لكل افراد الاسرة
2- فيش و تشبيه من كل البالغين من كل بلد عاش فيها البالغ سنة في اخر عشر سنين (سنة اجمالا و ليس متصلا ….. يعني لو كل سنة مثلا كنت بتسافر شهرين لبلد يبقى جمعت سنة يبقى لازم تجيب فيش منه)
و الفيزا عادة بتطلع في خلال 3 شهور
مع خالص تحياتنا