فكرة ياريت تتعمم..
الفكرة هي عبارة عن ميداليه ( QR code) زي اللي ف الصورة ،
ال QR code دا بيبقي جواه معلومات زي ( اسمك – رقم التليفون – العنوان – فصيلة الدم – رقم تليفون اقرب حد ليك – او اي معلومه انت حابب تحطها ) كل دا هيبقي جوا QR code وهيبقي ميداليه ، في حالة لاقدر الله وقوع حادثة او اي شئ ، أي حد هيشوف QR code هيعمله مسح ( Scan ) علي الموبايل بتاعه من خلال اي ابلكيشن QR Reader هيجيب كل البيانات بتاعة حامل الميدالية ، وكمان ممكن تحطها مع ابنك او بنتك الصغيرة بحيث لو تاهت منك يقدر اي حد يلاقيه يعمل مسح ( Scan ) ويعرف اسم الطفل والعنوان وبيانات التواصل مع اهله.
وبكدا هنقدر في حالة لاقدر الله وقوع حادثة انه يتعرف فصيلة الدم بسرعة ورقم تليفون اقرب حد واسمه ،
( لان ف اغلب الحوادث التليفون بتاع الضحية بيتسرق للاسف الشديد ومحدش بيقدر يوصل لاي بيانات عن الضحيه ) وفي حالة الطفل الصغير يقدر يعرف بيانات اهله بسهوله.
ال QR code ليه مواقع كتيرة علي الانترنت بتحط البيانات وهو بيعملك ال QR code،
تعمله ميداليا بلاستيك 3D – تعمله ميداليا حديد – تعمله ميداليا خشب, اللي تحبه..
المهم يبقي معاك او مع طفلك علشان حالات الطوارئ..
التعليقات مغلقة.