مشكلة السكر مش انه بيرفع السكر، كل النشويات بترفع السكر.
مشكلة السكر انه في جزء مابيرفعش السكر وبيروح علي الكبد ومع الوقت بيعمل كبد دهني (ده بقي مرض العصر، تقريبا عند معظم الناس، حتي اللي وزنهم طبيعي).
الجزء اللي بيرفع السكر في السكر هو الجلوكوز، ده بيرفع السكر وبيدخل للخلايا وبعد شوية السكر بينزل (ده تسلسل الاحداث الطبيعي لو مفيش مقاومة انسولين او مرض السكر)، فالحقيقة هي المشكلة مش في الجلوكوز خالص او في الجزء اللي بيرفع السكر، المشكلة في الجزء اللي مابيرفعش: الفركتوز.
دكتور روبرت لاستج بيقول: sugar is alcohol without the buzz
السكر بيتعامل في الجسم نفس معاملة الكحول، الفركتوز بيدخل علي الكبد علي طول، زي الكحول بالظبط.
المشكلة في السكر انه سم للكبد، مش بس انه بيرفع السكر، وده اللي بيخليه اخطر من اي نوع نشويات.
التعليقات مغلقة.