مقال مهم جدا وفيه كل حاجة عن التقديم للكليات العسكريه بإذن الله .
—————————————————————-
المقال عبارة عن الاقسام التالية :
1 – أسئلة الملف .
2 – أسئلة السمات .
3 – الملف الالكتروني .
4 – يوم تسليم الملف .
5 – أسئلة الطبي .
6 – أسئلة الرياضي .
7 – أسئلة الظباط المتخصصين .
8 – أسئلة متنوعة .
9 – ملاحظات هامة جدا جدا جدا .
—————————————————————-
******مبدئياً كدة البنات ملهمش شرطة وحربية بعد الثانوية وليهم معهد فني تمريض فقط أما حربية وشرطة بعد التخرج من الجامعة يعني ظباط متخصصين******
>>>>>>أولا : أسئلة الملف :-<<<<<<
***تنبيه هام***
في ناس فاكرين ان كل كلية ليها ملف خاص
يا باشا هو ملف واحد لكل الكليات وانت مش بتختار الكلية بمزاجك مكتب التنسيق بيرشحك الكلية المناسبة حسب الطول والمجموع والشعبة .
1 – سحب الملفات منين ؟
* سحب الملفات من مكتب التنسيق للكليات العسكرية امام الكلية الحربية بطريق صلاح سالم – المالظة .
المواصلات من ميدان رمسيس تركب مكروباصات الكلية الحربية .
او تركب مترو خط العتبة – العباسية هتطلع من محطة مترو العباسية هتلاقى مكروباصات بتودى الكلية الحربية .
* اما شرطة الملف بيكون ع النت وذلك بعد نتيجة الثانوية العامة والاعلان عن قبول الدفعة الجديدة والملف الورقي بيكون بعد اختبار القوام .
2 – مواعيد سحب الملف ؟
* حربية من 1/7 ل 14/8 ان شاء الله اما شرطة بعد نتيجة الثانوية .
3 – يوم سحب الملف ايه النظام ؟
* باب الكلية بيفتح الساعة 6 بتدخلوا تقعدوا ف مظلة و بيكون في مظلة للأهالي لو جايب معاك اهلك .
لازم لازم لازم تيجي بالبطاقة مش هينفع تدخل من غيرها وتجيب معاك قلم جاف عشان هتحتاجه .
هتتقاس وتتوزن مبدئيا كدة وتدفع 100 جنيه لسحب الملف وهتتصوروا وبعد كدة هتخشوا مسرح والظابط هيشرحلكم ازاي تملوا الملف وبعدها تستلموا الصور وتمشوا .
4 – لو ورقة ناقصة ف الملف اعمل ايه ؟
* عادي بتروح ع شباك الاستعلامات تقوله الورقة رقم كذا ناقصاني وهيديهالك متقلقش .
5 – مواعيد تقديم الملف ؟
* موعد تسليم الملف بيكون مختوم ع الملف من الخارج ع اول صفحة ولو مش موجود قدم الملف خلال اسبوعين من السحب او بحد اقصي قبل 14/8 .
6 – الأوراق المطلوبة في الملف ؟ (ملحوظة : دي أوراق المرحلة الأولي فقط أما بعد الطبي بتقدم أوراق المرحلة الثانية والفرق بس بيكون في قيد الجدين)
***حربية***
صورة البطاقة الشخصية للطالب + صورة طولية للطالب دي بتستلمها اما بتروح تسحب الملف وتتصور + صورة معتمدة من شهادة المؤهل (الثانوية) أو أصل بيان الدرجات (يكتب مقدم إلي مكتب تنسيق الكليات العسكرية) + أصل شهادة ميلاد الطالب + صور شهادات التفوق الرياضي (إن وجد) + أصل اثبات القيد من الكلية أو المعهد المقيد به الطالب
(اذا كان الطالب مقيد بكلية أو معهد) + أصل القيد العائلي للوالد (يستخرج من مصلحة الأحوال المدنية عن طريق صورة بطاقة الوالد وصورة بطاقة الوالدة ووثيقة زواج كمبيوتر وصور بطايق أو شهادات ميلاد الأبناء
ولو في حد متوفي بتاخد صورة شهادة وفاته) + صورة معتمدة من قرار الوصاية وصورة بطاقة الوصي (في حالة وفاة الوالد فقط) + صورة البطاقة الشخصية للوالد + صورة معتمدة من مؤهل الوالد + صورة البطاقة الشخصية للوالدة + صورة كارت طولي للوالدين (يعني والدك ووالدتك يقفوا يتصوروا جنب بعض ف صورة واحدة طولية ولو في حد منهم متوفي او مسافر بتصور الطرف الموجود وبتكتب ف ظهر الصورة سبب غياب الطرف الاخر) + صورة شهادة مؤهل الوالدة + صور مستندات الأملاك والمدخرات والحيازات والأسهم للوالد (يعني أي حاجه بيملكها والدك زي الشقة والارض وهكذا) + صور مستندات الأملاك والمدخرات والحيازات والأسهم للوالدة (يعني أي حاجه بتملكها والدتك زي الشقة والارض وهكذا) .
*** شرطة ***
نفس الأوراق تقريبا ما عدا القيد العائلي .
7 – تثبيت الأوراق في الملف ؟
* الملف هتثبت فيه كل المطلوب عن طريق الدباسة فقط .
8 – معلومات مطلوبة في الملف ؟
* اسمك + رقم بطاقتك + عنوانك الحالي + سنك ف 1/10/2014 + المدرسة او الكلية المقيد بها +المجموع الكلي بالمستوي الرفيع وبدون المستوي الرفيع والنسبة المئوية للمجموع + سنة الحصول ع المؤهل + رقم تليفون الطالب ورقم تليفون ولي الأمر + اقرار في صفحتي 4 و 5 منك انت وولي الامر ويمضي عليها 2 موظفين ورئيسهم من اي مصلحة حكومية وتختم بختم النسر + شهادة حسن سير وسلوك (هتاخد الملف تروح بيه مدرستك أو كليتك عشان يمضولك حسن سير وسلوك) ويختم بختم النسر + بيانات أقرب شخص للطالب يمكن الاتصال به بواسطة الكلية لأي موقف + بيانات المؤهل الدراسي (يعني الشعبة والمجموع ورقم الجلوس وسنة الحصول ع المؤهل وموقفك ناجح ولا دور ثاني والنسبة المئوية للمجموع والدرجات اللي حصلت عليها في بعض المواد ونسبهم المئوية من الدرجة الكلية للمادة) + بيانات عن الوالد (زي مؤهله وقت ميلاد الطالب ووظيفته وقت ميلاد الطالب ومؤهله الحالي ووظيفته الحالية وجهة العمل والحالة الاجتماعية للوالد وعدد الاخوه غير الاشقاء من الوالد ان وجد واجمالي الدخل السنوي للوالد بالارقام والحروف وما يملكه من عقارات وحيازات وخلافه)
أما في حالة وفاة الوالد هتكتب بيانات عن الواصي في جزء مخصص لذلك + بيان حالة وظيفة الوالد (واذا كان الوالد من ضباط الشرطة او القوات المسلحة يرفق شهادة من شئون الضباط)
+ بيانات عن الوالدة (زي مؤهلها وقت ميلاد الطالب ووظيفتها وقت ميلاد الطالب ومؤهلها الحالي ووظيفتها الحالية وجهة العمل والحالة الاجتماعية للوالدة وعدد الاخوه غير الاشقاء من الوالدة ان وجد واجمالي الدخل السنوي للوالدة بالارقام والحروف وما تملكه من عقارات وحيازات وخلافه) + بيانات عن الجدين للطالب + بيان حالة وظيفة الوالدة + بيانات الاخوة الاشقاء
(حتي في حالة الوفاة) + بيانات الاخوة غير الاشقاء من الوالد ان وجد (حتي في حالة الوفاة) + بيانات الاخوة غير الاشقاء من الوالدة ان وجد (حتي في حالة الوفاة) + بيان اقارب الطالب الذين يعملون في دول اخري او يحملون جنسيات غير مصرية حتي الدرجة الرابعة + بيان الاحكام والاجراءات الجنائية التي اتخذت ضد الطالب او احد اقاربه حتي الدرجة الرابعة + بيانات خاصة بالأعمام والعمات وأزواجهم + بيانات خاصة بالأخوال والخالات وأزواجهم + كارت ملخص البيانات (دي صفحة كارتون لونها احمر بتملاها)
+ بيانات تملأ في صفحة الكشف الطبي (اوعي تملا حاجة برة الجزء المميز باللون الرمادي اوعي اديني قلت اهو) + كارت تنسيق فرعي (دي صفحة كارتون لونها اخضر بتملاها) + كارت الحاسب الآلي (دي صفحة كارتون لونها ازرق بتملاها) .
9 – لو في ورقة ناقصة في الملف او مليتها غلط اعمل ايه ؟
* عادي هتروح ع شباك الاستعلامات تقوله رقم الورقة اللي انت عاوزها وهيديهالك .وبالتوفيق للجميع
بالتوفيق لكباتن مصر ورجالتنا
التعليقات مغلقة.