هل مجال البرمجه يعتمد عليه كمصدر عمل اساسي مش مجرد شغف بس يستاهل اني ادخل حاسبات عشانو ب اذن الله ولا هيجي عليه وقت و يبقي زي الفوتوشوب الجامعه او الدراسة مش هتفيدك و ال 3 لوجوهات ب 10 زي ما بنشوف
هل دا ممكن
يحصل مع البرمجه الفتره الجايه بسبب الاقبال عليهاا + عشان تلقي شغل ب مرتب كويس لازم تكون متميز ولا عادي زي باقي الشغلانات ياريت
الي يرد يكون ليه تجربه او حد متخصص و بلاش كلام انتا لو دخلت مجال عشان فلوس مش هتكلم و بتاع انا بتكلم في مستقبل مش هاكل و اشرب من حبي و شغفي للبرمجه بعدين
لا البرمجة مختلفة عن الفوتوشوب عشان الفوتوشوب هوا في الاخر برنامج بتتعلمو و تبقا بتعرف تستخدم ادواته و بس ،
لكن البرمجة بتحتاج عشان تعرف تشتغل فيها تبقا اتدربت كتير و بقا كويس اوي في الرياضيات و تعرف تبني خوارزميات و حلول كتير و تتعامل مع شتى انواع الخوارزميات و الرياضيات و محتاجة وقت طويل و تفكير كتير جدا و تنظيم غير عادي ،
غير مجهود الكتابة الكتير اللي هوا اتفه حاجة غير التدوير عالاخطاء المنطقية اللي لو غلط في التفكير و لو حاجة صغيرة هتعملها و دي اخطاء المعالج مبيبينهالكش ، المجال الوجيد في البرمجة الشبيه بالفوتوشوب و لو انو اصعب بردة بكتير عشان اكواد و تنظيم لكن مش محتاج فيه تفكير كتير اوي و رياضيات كتير بس هيحتاج منطق بردة و فهم و خبرة هوا الfront-end development و هوا اصلا تصميم يعني لواجهات المواقع و فعلا دا ازحم مجال برمجي و فيه مبرمجين كتير جدا ،
لكن باقي المجالات لا خالص مع اختلاف اصعوبة و المتطلبات ، و علي فكره معظم اللي بيقولوا هندخل البرمجة بيقولوا دا مجال شغال يدخلوا يتعلموا شوية يلاقوا الدنيا بتصعب ينسحبوا ، لكن الفوتوشوب مع احترامي للمصممين اسهل بكتير و معظم اللي بيدخلو فيه لو مش هيشتغل فيه بيتعلموا يقول لو احتاجته اي وقت بدل ما حد يصمملي حاجة و ادفعلو ،
دا كلو غير التعليم المستمر طول الوقت و التطوير من نفسك و التدريب علطول ، غير عزلة النفس اللي لازم تتعود عليها وقت طويل ، و الصبر ثم الصبر ثم الصبر اهم حاجة ، كلامي عن المواقع كان عن الفرونت اند مش باك اند او فول ستاك خالص ، غير ان الفرونت اند بردة مش بسيط و لا لعب لا فيه شغل كتير لكن اقل من غيره
هتدخل حاسبات يبقي دا هيكون شغلك الاساسي مش فري لانسر جنب شغلك ف اكيد هتفضل معتمد عليه وهتشتغل ف شركه وتفضل فيها
اللوجو ف خريجين فنون جميلة مثلا بيشتغلوا ف شركات ديزاين لحد دلوقتي عادي
فيه فرق بين ان دا شغل اضافي وان دا شغلك الاساسي والله
مجال البرمجة من افضل واكثر المجالات بالنسبة للشغل والفلوس كويسة جدا وهيفضل كدة على طول ومستقبلة كويس جدا … بس المهم انك تكون مناسب للمجال بمعنى انك تقدر تمشى فية …. مش موضوع حب وكدة ولكن هل انت تقدر تمشى بالمجال ولا لا … يعنى مثلا بالثانوية العامة فى ناس تدحل ادبى مش علمى لان علمى صعب عليها ومش مناسب ليها .. بس هى دى الفكرة مش اكتر
اي مجال لازم تكون متميز فيه عشان تلاقي منه عائد مادي كويس
دكتور ابراهيم الفقي الله يرحمه كان بيقول الناس بتدفعلك مش عشان وقتك و لكن عشان قيمة وقتك
العامل العادي ال بياخد في الساعة ٣ دولار مش زي المحترف ال بياخد ١٠ دولار ولا زي الخبير ال بياخد ١٠٠٠ دولار في الساعة
في ال٣ حالات كل واحد بيشتغل ساعة انما القيمة ال بيضيفها للشغل مختلفة كل ما القيمة تزيد كل ما العائد المادي يزيد
و نصيحة سيبك من الاحباطات ال بتقولك ال ٣ ب١٠ و الكلام الفاضي دا .. روح دور على حد يعمل لوجو و هتشوف الاسعار و بص على الجاليري بتاع كل واحد و هتعرف ال سعره غالي غالي ليه و الرخيص رخيص ليه
وفي النهايه لكل مجتهد نصيب
يارب التوفيق للجميع
طريقة انشاء حساب جيميل gmail بدون رقم هاتف 2023
اذا كنت تبحث عن افضل طريقة للإنشاء حساب جيميل بدون رقم هاتف او طريقة عمل حساب جيميل بدون رقم هاتف او عمل حساب جيميل بدون رقم هاتف فهذه المقالة لك .…
ما هو تعريف التسويق ؟ ومميزات العمل فى التسويق؟
تحميل قالب التنظيف لمدونات بلوجر 2023 لتنظيف قالب مدونة بلوجر
5 خطوات اساسية لبدأ مشروعك الخاص فى الدروبشبينج
اسهل طريقة لإنشاء حساب جيميل gmail
لماذا يتم رفض موقعي على جوجل ادسنس Google AdSense؟
ما هو النيش والسيو وكيفيه التعامل معهم بكل بساطه
ما الفرق بين ادسنس وادسنس اربيتراج او تحكيم ادسنس؟
شرح كيفية العمل بنظام الدروب شيبينج وكيفية الربح من الدروب شيبينج
حقيقة bkk44 أو mbz3 معرفة باسورد الواي فاي هل حقيقي ؟حقيقة bkk44 أو mbz3 معرفة باسورد الواي فاي هل حقيقي ؟
التعليقات مغلقة.