سعر تدفئه كرسي BMW عشان تدفّي الكرسي بتاعك لازم تدفع اشتراك شهري قيمته 18 دولار شهريا !! ..

تخيل إنك تبقى راكب BMW , و عشان تدفّي الكرسي بتاعك , لازم تدفع اشتراك شهري قيمته 18 دولار شهريا !! ..

ده اللي شركة BMW طبقته من سنتين , على عملائها لتفعيل ميزة تدفئة المقاعد الأمامية 💺

الغريب إن العميل مش محتاج يروح التوكيل أو يعدّل أي hardware , لإن الموضوع مجرد option حيتم تفعيله ع الـ software الخاص بالعربية , بمجرد ما يتم الاشتراك !! ..

تسويقيا , الموضوع يستحق الانتباه !! … تخيّل إن يبقى معاك منتج , و عشان تفعّل فيه خاصية إضافية , تدفع اشتراك شهري , غير اللي تم دفعه كقيمة للمنتج نفسه !! ..

الموضوع حصل قبل كده في الريسفرات بتاعة القنوات المشفرة , .. و من غير دفع الاشتراك الشهري , الجهاز ممكن يتحول على حتة حديدة , عليها شوية قنوات موجودة على الدش المعتاد !! ..

و لكن في العربيات كمان ؟؟!! .. جديدة دي !! ..