كتب: ايهاب صقر
كابتن صالح يمنع مرتضى منصور من دخول النادي و يأمر بكسر القوانين
بدأ الخلاف عام 1992 قبل الانتخابات التي خاضها المايسترو امام الدكتور حسن مصطفى ووقتها كان الخلاف شديد بين المايسترو وبين طاهر ابو زيد بسبب ان طاهر ابو زيد كان معارض لفكرة ترشح صالح سليم لرئاسه النادي الاهلي فاعترض ابو زيد وقال للمايسترو انت كنت تعيش في لندن ولا تعلم شئ عن النادي ولا تستحق ان تكون رئيس ,,
فرد المايسترو بأن هذا رأيه وهو حــر فيه ,, فتوجه مرتضى الى احد المحامين الكبار أصحاب صالح سليم و طلب منه ان يبلغ كابتن صالح انه سيحضر الندوه الانتخابيه , وانه لديه اوراق خفيه سيكشفها عن طاهر ابو زيد وانه يستأذن من المايسترو الحصول على الكلمه اثناء الندوه
رد المايسترو قائلا مين مرتضى ده ؟ مش هو ده المحامي بتاع قضيه عادل امام ” يقصد القضيه الشهيره التي رفعها مرتضى على عادل امام بسبب فيلم الافوكاتو ,, فرد المحامي نعم ,, فسأله المايسترو ,, وانت ايه رأيك ؟ فأجاب الرأي رأيك يا كابتن
استدعى صالح سليم مدير امن النادي وقال له انا احملك المسئوليه لو العضو ده تحديدا دخل النادي الاهلي ساعة الندوه فرد عليه المحامي يا كابتن ده عضو في النادي ومنعه من الحضور يعتبر ضد اللوائح رد المايسترو في هدوء ” ايوه كسروا اللوائح في اليوم ده عشان الراجل ده ميدخلش مش انا اللي هجيب حد يحارب ويتكلم باسمي والنادي الاهلي لم و لن يصل لمرحله اننا نشوه في بعضينا امام الناخبين ,, ده شئ مرفوض حتى لو كنت مختلفا مع احد و ابلغ المحامي مرتضى منصور بقرار صالح سليم
وكالعاده ثار مرتضى و هاج وبعدها مباشرة توجه الي نادي الزمالك وقدم طلبا للحصول على العضويه وفي الزمالك وجد مرتضى المناخ المناسب كي يتألق ويمارس هوايته في صناعة الازمات والهجوم على خلق الله بمبرر و بدون مبرر رحم الله المايسترو فقد كانت له رؤيه ثاقبه في اكتشاف طبيعه ومعادن البشر كابتن صالح ,, أبو المبادئ
التعليقات مغلقة.