التغيير السيء اللي حصل ل (راسل كرو) !!
التغيير السيء ده اللي حصل للمثل العظيم (راسل كرو) طبيعي يحصل لما نمارس الحياه بشكل غير صحي
غير صحي يعني ناكل اكل كله سعرات حراريه اكتر من اللي بنحتاجها
اكل مفيهوش العناصر الغذائيه اللي بيحتاجها الجسم
وميبقاش فيه في روتين حياتنا اي نوع من انواع الرياضه حتي المشي المنتظم
والحركه في حياتنا تكون قليله من العربيه للمكتب للنوم ومن النوم للعربيه للمكتب وهكذا …
وعلى فكره التغيير ده مالوش بالحاله الماديه ماظنش (راسل كرو) فقير عشان حالته الصحيه والجسمانيه تدهور بالشكل ده
وبرضو مالوش دعوه بالسن ممكن يكون حد في ال ٦٠ وصحته كويسه بسبب طريقة حياته الصحيه وعندنا امثله لناس زي (سلفستر ستالون) و (توم كروز ) وغيرهم نفس سن وظروف راسل كرو ويمكن اكبر منه سناً كمان
وفي ناس في سن ال٢٠ بس مدمرين صحتهم بسبب عادات حياتهم الغلط
الحياه الصحيه بسيطه ومش غاليه محتاجه بس الإنسان يركز في طريقه اكله وهل هي مناسبه لاحتياجات جسمه ولا لا
ويركز في نمط حياته هل هو نمط كسول ولا نمط نشيط
وبس كده
التعليقات مغلقة.