فكرة مشروع مربحة جدا .. وهتقلل من تكاليف الزواج في مصر ..
.
انت تعمل شركة تسميها ( فشخرينو ) ..
الشركة دي بتأجر الحاجات اللي ملهاش لزمة في الجواز لمدة معينة بغرض الفشخرة ..
.
يعني مثلا بني ادم طبيعي جايب لبنته الحاجات الطبيعية اللي محتاجاها فعلا في جهازها .. ممكن يأجر تلاجتين زيادة على غسالتين صحون على 120 طقم كاسات على 150 قميص نوم و 150 قميص صحيان و 6000 عباية .. إلخ ..
والعريس يأجر انتريه ليزي بوي بالمساج علي 6 تكييفات على اوضة نوم فرعوني مطلية بالدهب و3000 بوكسر قطونيل و سجاد ايراني يدوي مع ريد كاربيت يفرشها على سلالم البرج من الارضى للدور الـ 15 اللي ساكنين فيه ..
.
وهنا بقى انت ممكن تقدم خدمة اضافية .. توفرلهم عربيات تشيل فرع رنين اللي هيفتحوه دا بدل ما يدوروا على عربيات بنفسهم .. واهو مكسب اضافي ..
.
العروسة واهلها والعريس واهله يشيلوا العفش المتأجر على العربيات المتأجرة .. ويفرشوا شقتهم المتأجرة ويتجوزوا .. وفي الصباحية النـ.ـسـ.ـوان يدخلوا يشوفوا قمصان النوم عادي ويفتحوا الفريزرات يلاقوها مليانة لحمة متأجرة ..
وبعد ما تنفض الليلة و تنتهي الزيارات والعيلتين يتفشخروا فشخرة السنين وكل عيلة تتمنظر علي التانية .. وسوسو تقهر توتو بنت خالتها اللي مجابتش غير 100 قميص بس ..
العرسان يرجعوا كل حاجتهم المتأجرة و بيتهم ميبقاش فيه غير الاساسيات اللى اشتروها ..
.
.
فين السيد الرئيس من الحلول الابداعية دي ؟!
هتمسكوني وزير قطاع اعمال امتى ؟!
التعليقات مغلقة.