ازاي تتحكم في كميات النشويات في الاكل؟
اولا، ليه اصلا افكر اتحكم في النشويات تحديدا؟ عشان استحالة حد وزنه يزيد من غير ما يكون مزود نشويات،
لازم اعرف اتحكم فيها عشان اعالج المشكلة،
اول خطوة: اول وجبة في اليوم من غير نشويات.
النشويات في الفطار بتجوع طول اليوم، فلو حد عايز يخس المفروض ياكل النشويات في الجزء التاني من اليوم.
٢- ابدا ماينفعش نعملها عصير، تحديدا الفاكهة.
العصير من اهم مسببات زيادة الوزن والكبد الدهني
٣- الوجبة اللي فيها نشويات، نقلل فيها الدهون، عشان الخليط ده من اهم مسببات السمنة،
يعني لو وجبة فيها نشويات يكون معاها خضار او بروتين قليل الدهن، مش نشويات ودهون مع بعض.
٤-فكرة السناك اصلا غلط، ولو السناك نشويات غلط اكبر، وهاتعمل نتيجة عكسية وتجوعك اكتر.
دي ٤ خطوات عشان نتحكم في النشويات من غير ما نقطعها
التعليقات مغلقة.