فكرة اي مستريح قايمة على انه بيكسب وقت
بحيث لما ييجي معاد استحقاق اول دفعة من المغـ.ـفلين يكون وفر سيولة من دفعة تانية.. فيدفع للدفعة الاولي ويكسب ثقة دفعة تالتة و رابعة وعاشرة..
.
الثقة هنا بتاخد شكل متتابعة هندسية.. لو كسب السبت ثقة واحد هيكسب الحد ثقة اتنين وسوم الاتنين هيكسب ثقة ٤..
.
واللي بيحط فلوسه معاه بيكون حاجة من اتنين..
اما مصدق انه بيشغل الفلوس ويكسب الارباح الخيالية دي.. ومش فارق معاه ان المعاملة ربوية وحرب مع الله و رسوله..
او فاهم الليلة وعنده امل يخلع بقرشين في اول سلسلة النصب وميعملش ايداع تاني..
.
.
وفي كلا الحالتين.. الضحايا لا يستحقوا التعاطف.. وهديك دليل اضافي.
.
دلوقتي الليلة انكشفت.. والناس اللي خدوا فلوسهم مع الارباح عرفوا يقينا ان الزيادات اللي اخدوها من عرق المغـ.ـفلين اللي في اخر السلسلة..
فلو كل واحد رجع الزيادة اللي اخدها.. واتحطت علي اللي عند المستريح.. كل واحد دفع جنيه هياخدة مرة تانية ولو نقص.. فالنقص مش هيزيد عن عشر قروش مصاريف دعايا النصباية..
.
يعني اللي دفع ١٠ الاف جنيه على اسوأ تقدير هياخدهم ٩ ألاف..
.
تفتكر اللي حطوا فلوسهم في الاول وخدوا ارباح هيعملوا كدا ولا هيصهـ.ـينوا ويتمتعوا بفلوس سحت من عرق اللي بيشقوا هدومهم دلوقتي؟
التعليقات مغلقة.