لازم نفهم
إدمان السكريات والطعم الحلو عموما مرتبط بحاسة التذوق.
يعني إيه الكلام ده
يعني لو انت عايز تنسى إدمان السكر والحلويات لازم تمنع الطعم ده من حياتك حتي لو انت بتاخده من مصدر سعراته الحراريه منخفضه (سكر الدايت وحلويات الدايت) علشان تنسى شراهة حب الحلويات.
المسؤل الأول عن إدمان السكر هوه اللسان.
الدليل
لما بطلنا سكريات ودخلناها من تاني في حياتنا في حلويات رمضان وكحك العيد بدأ الإدمان يرجع تاني مع إننا كنا متعودين على الاستغناء عنه.
الحل
نمنعه تاني ولو بالتدريج للي نفسيته بتتعب لكن الشخص القوي ياخد قرار بمنعه فورا مره واحده ويرجع يتعود على الحياه من غير سكر ونكون فاهمين اننا عادي ممكن نغلط واننا مرجعناش زي الأول تاني لاننا حاسين بالندم وده دليل اننا بدأنا نتغير المهم نلحق نفسنا ونبدا نكمل طريق التغيير بقرار وإرادة حره لان فرحتنا بحلاوة وجمال صحتنا أهم من حلاوة وجمال وفرحتنا بطعم السكر لأننا هنمنعه غصب عننا لو اتصابنا بمرض السكر
التعليقات مغلقة.