اللي بيتلخبطوا بين التهجد والقيام والتراويح ومش عارفين الفرق بينهم ..
س/ ايه الفرق بين صلاة التراويح ، التهجد ، قيام الليل ؟!
ج/ كلهم مسميات تطلق علي صلاة التطوع من بعد العشاء ..
بس الفرق كله في توقيت صلاتك !
_ يعني لو صليت بعد العشاء مباشرة من غير ما تنام بعض الوقت بعد العشاء = تبقي تراويح
لكن لو صليت العشاء ونمت شوية وصحيت في الثلث الأخير من الليل = يبقي تهجد والقيام ده مسمي عام معناه = انك تقوم ليلك او جزء منه بين يدي ربك
س/ طيب نصلي انهي واحدة فيهم .. وبأنهي نية ؟!
ج/ صلي التراويح بعد العشاء ..
ونام شوية مثلا واصحي باليل صلي ركعتين قيام ليل و في الثلث الاخير صليلك ركعتين او اكتر تهجد
س/ طب هي التراويح كام ركعه؟!
ج/ هي علي الأرجح ١١ ركعة [ ده السنه وممكن تزود ، المهم تكون عدد زوجي ٨ مثلا وبعدها ركعتين شفع وركعة وتر فتصبح عددا فردياً اللي هو ١١ ] .بس خد بالك لو ناوى تصلي باليل تهجد او قيام يبقي سيب ركعه الوتر تصليها اخر حاجه خالص
او ممكن تصلي الوتر مع التراويح وتيجي في التهجد تصلي مثنى مثنى فقط من غير وتر تاني لإن النبي قال “لا وتران في ليلة”
س/ بنصلي التراويح ازاي ؟!
ج/ ركعتين ركعتين .. بنصليهم [ مثني مثني ] .
- بين كل اتنين ناخد راحة نذكر الله دقيقتين كده ومنها نستريح [ عشان كده سموها التراويح ]
س/ طب ينفع نقرأ فيها من المصحف ؟!
ج/ اه ينفع نقرأ من المصحف فيها [ لانها صلاة نافلة مش فرض ] لكن لو هتصلي مأموم ورا إمام فتستمع للقرآن فقط وتترك المصحف
س/طب انا معنديش حامل للمصحف ؟!
ج/ ولا يهمك .. ينفع نشيل المصحف بإيدنا [ لو مش متوفر حامل للمصحف ] .
س/ طب انا بصراحة مش هقدر أصلي 11 ركعة ؟!
ج/ صلي قدر استطاعك
التعليقات مغلقة.