التمرين والتغذيه في شهر رمضان !!
التمرين في شهر رمضان
أفضل وقت تتمرن فيه في رمضان
لو كان هدفك نزول الدهون اكتر من نمو العضلات يبقي التمرين قبل الفطار أفضل ليك
لو كان هدفك نمو العضلات أكتر من نزول الدهون يبقي التمرين بعض الفطار بساعه ونص أفضل ليك
لو كان هدفك نزول الدهون وزيادة العضلات مع بعض يبقي تتمرن كارديو قبل الفطار وتمارين مقاومه بعد الفطار بساعه ونص
لو كان كل تمرينك هو المشي أو الجري أو ركوب العجل يبقي تمرينك قبل الفطار أفضل
التغذيه في شهر رمضان
أفضل تقسيمه للأكل في رمضان للحفاظ علي الوزن هي إننا نقسم وجبة الفطار لوجبتين الفرق بينهم ساعتين او أكتر
يعني ناكل 3 وجبات خلال فترة الفطار من المغرب للفجر
ونحاول علي قد مانقدر مانقربش خالص من السكريات والحلويات والفواكه المجففه ونستبدلها بالفواكه الطازة
نحاول نزود من الاطعمه الغنيه بالبروتين والالياف ونقلل من الكاربوهيدرات زي الرز والعيش والمكرونه
نحاول نقلل من المقليات ونستبدلها بالمشويات
نحاول نقلل من الخضار المسبك ونزود من الخضار المسلوق
نحاول نقلل من المخلل ونزود من السلاطه الخضرا
نحاول نقلل من العصاير المحلاه بالسكر ونستبدلها بالميه أو العصاير الطبيعيه الخاليه من السكر
ولازم دايماً نفتكر إن مفيش أي علاقه بين شهر رمضان والأكل والزيادة الفظيعه اللي بتحصل في الاكل الغير صحي
وكل عام وانتم بخير
التعليقات مغلقة.