ماذا يعني قرار بوتين بإستبدال الدولار بعملة الروبل في عمليات بيع النفط و الغاز الروسي؟؟

🔴 ماذا يعني قرار بوتين بإستبدال الدولار بعملة الروبل في عمليات بيع النفط و الغاز الروسي؟؟
الإتحاد الأوروبي يشتري يوميا من روسيا النفط و الغاز بقيمة 660 مليون دولار… يعني عمليا الإتحاد الأوروبي يدفع كل يوم 660 مليون دولار مقابل النفط و الغاز…

القرار الروسي بإستبدال الدولار بالروبل يعني أن الإتحاد الأوروبي مطالب بدفع تلك القيمة الضخمة من الدولارات بعملة الروبل… حاليا الدولار يسوى 100 روبل… يعني حسابيا الإتحاد الاوروبي الآن مطالب بتوفير 6,6 مليار روبل يوميا مقابل النفط و الغاز… منين باش يجيب الكمية الضخمة هذيا؟؟
ساهلة الحكاية توا الإتحاد الأوروبي سيضطر لشراء الروبل مقابل الدولار أو الأورو… و منين باش يشريه لأنو ما ثماش دولة اخرى بخلاف روسيا عندها الكمية الضخمة هذيا من الروبل… يعني باش يضطر يطلب من البنك المركزي الروسي يبيعلو الروبل مقابل الدولار أو الأورو و بالتالي روسيا سيرتفع لديها إحتياطي العملة الصعبة…

روسيا مازال عندها قرار آخر في يدها كان تستعملو سيؤدي إلى إفلاس الإتحاد الاوروبي… روسيا تنجم توا تقوللهم ما نبيعش الروبل بالدولار و الأورو خاطر البنك المركزي متاعي معاقبينو و مخرجينو من نظام swift… نبيعلكم الروبل مقابل الذهب… و هنا الطامة الكبرى…

سعر الذهب توا الجرام الواحد حوالي 60 دولار يعني 600 روبل يعني بعملية حسابية بسيطة الإتحاد الأوروبي سيكون مطالب بتوفير 11 طن يوميا من الذهب لشراء 6,6 مليار روبل يوميا لشراء حاجياته اليومية من النفط و الغاز الروسي… أرقام فلكية… يعني لو روسيا تتخذ هذا القرار ستمتص في ظرف وجيز إحتياطي الذهب في البنوك المركزية الأوروبية و تكدّسه لديها…

هذا الإرتفاع في الطلب على الروبل سيؤدي بالضرورة إلى إرتفاع الطلب على المبادلات التجارية بجميع أنواعها مع روسيا يعني الدول الكل تولي ماذبيها تبيع سلعتها لروسيا من أجل الحصول على عملة الروبل التي ستصبح في خانة “العملة الصعبة”… و بالتالي ستصبح روسيا و عملة الروبل في حد ذاتها هي المحدد للأسعار في الأسواق العالمية بدل الدولار و الأورو…

الحرب الإقتصادية الموجهة ضد روسيا أصبحت سلاحا في يد روسيا ضدّهم و أقوى حتى من السلاح النووي…
العالم الجديد يتشكّل…