Ramada Village
الصور دي مش في نويبع ولا راس سدر
المكان الجميل اللي في الصور دا اسمه ((رامادا)) في المقطم
براحتك بقى تصدق او متصدقش
دخول المكان بدون تذاكر مفيش Minimum charge
انت بس بتدخل تطلب اي حاجة من المنيو حتى لو شاي قهوة او عصير
ممكن تطلب فطير مشلتت مع جبنة قديمة بالطماطم و عسل اسود بالطحينة و بيض مسلوق .. الاكل دا لايق أوي مع الجو دا و ينفع في أي وقت في اليوم
القعدة قصاد الجبل و منظر السما مفتوحة قصادك منظر مريح جدا نفسيا، كفاية انك بتفصل شوية من قعدة الشغل و المكاتب والاماكن المقفولة و تفصل خالص
و طول ما انت قاعد بتسمع أغاني اغاني عمرو دياب القديم و فيروز و أم كلثوم جو حلو قعدة عالارض او كراسي و الخيم المقفلة عشان البرد، و ممكن كمان تاخد معاك دومنا او طاولة، كوتشينة و تقضوا لسهرة هناك لحد ١ بالليل
الموضوع كله مش مكلف خالص الشاي ب ١٦ جنيه و القهوة ب ٢٢ جنيه
أو
قطعتين فطير ب ٢٤ جنيه و في الفطير الفلاحي ب ٦٤ جنيه
المكان شكله بالنهار جميل و بالليل بيبقى حاجة تانية خالص
الاضاءة بالالوان على الجبل و النخل و في كل حتة
بالليل كمان بيشغلوا بروجيكتور بيعرض ماتشات الكورة
ممكن كمان تاخد معاك لحمة او فراخ متتبلين و تقضي اليوم شوي “بتأجر الشواية بمعداتها” و المكان مناسب جدا لاعياد ميلاد
كل الاسعار شاملة الضريبة
المواعيد بتبدأ يوميا من الساعة ٣ العصر
ما عدا يوم الجمعة بيفتحوا من الساعة ١٠ الصبح لحد ١ بالليل
و لو عايز تروح في أي يوم تاني ممكن تتصل تحجز و تنسق معاهم
رقمهم
01222803151
العنوان
شارع 17 بعد اسماك ابن حميدو امام سوبر ماركت المنشاوي – المقطم
التعليقات مغلقة.