نظام الصيام الإسلامي لإنقاص الوزن
السحور.***
قبل الفجر بأربع ساعات المهم نكمل ١٦ ساعه صيام علي الأقل
٢ بيضه مسلوقة أو مقلية بنصف معلقة سمنه بلدي أو زيت زيتون
أو ١٠ معالق فول بنصف معلقة سمنه بلدي أو زيت زيتون
أو ١٠٠ جرام جبنه قريش
يمكن أخذ نصف الكميه من نوعين وتشكيل الوجبه (نفنن يعني)
+علبة زبادي + طبق سلطه حتى الشبع
- ربع رغيف بلدي ويمكن الاستغناء عنه لو الوزن زايد وأخذه لا يضر
ونستمر بشرب المشاريب المسموحه حتى الفجر
( شاي أخضر وأسود /نعناع /ينسون /كراويه /شمر/قهوة /قرفة/زنجبيل) بدون سكر
الفطار***
نكسر صيامنا بتلاث تمرات أو ما يعادلهم من خشاف بدون سكر ونشرب كوبين ماء ونصلي المغرب ونرجع ونتناول وجبتنا
ربع دجاج
أو٢٠٠ جرام لحمه
أو ٤ بيضات مسلوقين أو مقليين في نصف معلقة سمنه بلدي
أو ١٥٠ جرام كبدة دجاج أو أي نوع كبده
أو حبه أو حبتين حسب الحجم سمك مشوي أو في الفرن صنيه أو سنجاري المهم مش مقلي
+
ربع رغيف أو أربع معالق رز أو مكرونه أو فريك
+
طبق صغير حوالي ه معالق طبيخ (إيدام) خضار مطبوخ أو بقوليات مطبوخة
+
طبق سلطة كبيرحتي الشبع
الإسناك بين الفطار والسحور ***
حبتين فاكهه ما يعادل ٢٠٠ جرام
+
50 جرام اي مكسرات أو أي نوع لب
+
طبعا مسموح بشرب المشاريب المسموحه بدون سكر على مدار فترة ما بعد المغرب إلى الإمساك حسب الرغبه.
( شاي أخضر وأسود /نعناع /ينسون /كراويه /شمر/قهوة /قرفة/زنجبيل) بدون سكر
- الحلويات قطعه واحده كل أسبوع إذا لزم الأمر ويستحسن عدم تناول أي حلويات للاوزان الكبيره واللي في بداية المشوار لكن اللي وصلوا لوزنهم المثالي مسموح
- ممنوع استخدام الزيوت المهدرجة والمكررة مثل
زيت النخيل ودوار الشمس والدره والكانولا وبذرة القطن…. الخ والذبده النباتيه منعا باتا
الطبخ بزيت زيتون وسمنه بلدي ودهن حيواني (لية خروف أو أي دهن يتسيح) بمقدار معلقة في اليوم حصة الفرد.
وكل عام وانتم بخير أعاد الله علينا الأيام بالخير واليمن والبركات
يعني إيه صيام متقطع؟
يلا بينا نتعرف على الصيام المتقطع
وحقق حلم التغيير
اولا تعرف علي اضرار نظام الاكل الغير صحي علي حياتك
النظام الغذائي الغير صحي هو السبب في كل الخلايا الإلتهابيه إللي بتحصل في جسمنا والخلايا الإلتهابيه إللي بتتكون في أي عضو من أعضاء جسمنا بتخليه عرضه لأي مرض لأنها بتضعف جهازنا المناعي.
زي إيه الخلايا الالتهابيه الظاهرة لينا
قشور وتساقط الشعر
النسور
البواسير
الحبوب وتقرحات وحكات الجلد
ضعف الاضافر والتهاب الاطراف
دي بعض الحجات الظاهره لينا لا للحصر.
وده كله بيحصل بسبب مقاومة الانسولين لان مقاومة الانسولين بيسبب خلل لأغلب الهرمونات إللي بتنظم تمثيلنا الغذائي ده إذا مكنش كلها.
لو قضينا علي مقاومة الأنسولين هتبدأ هرموناتنا تشتغل بطريقة سليمه ويبدأ جسمنا يتخلص من الخلايا الإلتهابيه علي المدي الطويل وده بالصبر والاستمرار في نظام غذائي سليم خالى من السكريات والزيوت المهدرجه والمكرره وغني بالبروتين والدهون الصحية.
لو قضينا علي مقاومة الانسولين حياتنا الصحيه هتتغير.
وخليك فاهم طالما عندك كرش ودهون في بطنك حتي لو جسمك مش تخين فانت عندك مقاومة أنسولين.
وأفضل حمية علاجية مع النظام الغذائي السليم للقضاء على مقاومة الانسولين هي حمية الصيام المتقطع.
يارب الصحة للجميع
الصيام المتقطع اسلوب حياه
نصائح للصيام المتقطع
مفيش حاجه اسمها تاكل طول اليوم الأكل في ساعات معينه
تصوم من ١٦ ل ٢٠ ساعه حسب وزنك وقدرتك على التحمل وقت الصيام مسموح ليك مشاريب مياه شاي قهوه ينسون زنجبيل شمر كراويه نعناع قرفه بدون سكر ولا لبن ولا عسل ولا حتى ليمون ساده
بعد فترة الصيام تفطر بوجيه بسيطه أساسها طبق سلطه محترم فيه كل الألوان وبيضتين أو علبة زبادي
اول ما تجوع تاخد وجبتك الرئيسيه ونفس النظام طبق السلطه المحترم مع البروتين الحيواني المتوفر ليك
فترة الأكل من ٤ إلى ٨ ساعات يستحسن وجبتين على هذا الأساس في بداية المشوار وتمنع النشويات البسيطه اللي هيا مشتقات الدقيق زي الخبز والمعجنات بانواعها ولو لابد نشويات تكون معقده زي البطاطس والبطاطا أو منخفضة الكربوهيدرات زي الكوسه والقرع ودخل معاهم البقوليات لأنها هتديلك إحساس بالشبع وبروتين نباتي ممتاز.
لما توصل للوزن اللي حبيته حافظ على ١٦ ساعه صيام مدى حياتك وابدأ دخل نشويات بكميات بسيطه وانت كده كده معدتك صغرت فمش هتاكل كتير ومنعت السكر وقللت نشويات يعني تركت اي شئ مضر واكلك بقى صحي
وال ١٦ ساعه مش كتير هتمنع اكل قبل النوم بأربع ساعات وتنام ٨ ساعات وتفطر بعد النوم ب ٤ ساعات ويبقى ده اسلوب حياه بالنسبالك غير قابل للتغيير
والأمر ميسلمش انك هتلخبط يومين تلاته اربعه في الشهر لكن خلي اللخبطه للظروف
ده باختصار شديد
الصيام المتقطع اسلوب حياه
مينفعش ناكل طول اليوم
علشان هرمرن الجوع يرجع يشتغل وهوه اللي يحسسنا بالجوع مش ناكل اكل عاطفي
وهرمون الشبع يشتغل ويقولنا خلاص شبعنا مش لما معدتنا تتملي نبطل اكل
وعقلنا بردو يشتغل ومياكلش اي حاجه عارف انها مضره
الزيوت النباتية المهدرجه والمكرره والسكر خط أحمر
الزيوت المسموح بها زيوت معصوره عالبارد زي زيت الزيتون جوز الهند الخردل السمسم أو سمنه وزبده بلدي وسكرك بتاخده من الفاكهه والخضار والبروتين.
إنت مش داخل مسابقة خسسان مين هيخس الأول وهخس قد إيه في الشهر إمشي عالنظام وإنسي الميزان ومتقارنش نفسك بحد تاني لأن كل جسم وليه طبيعته إمشي عالنظام وراقب مقاساتك وصحتك هتلاقي مقاساتك بتقل وصحتك بتتحسن وهتحس إنك مبسوط كده إنت ماشي صح.
المفروض تتوزن أقل شيء بعد شهرين من النظام علشان تشوف الإنجاز وتحس بيه.
ملحوظه…
ممارسة رياضة المشي شئ جميل خمس ايام بالأسبوع من ساعه الا ربع لساعه المهم تحرك جسمك لكن هتنزل حتى لو ما مشيت علشان أصحاب الظروف الخاصه ميحبطوش ده انتو أجمل ناس وأعظم ناس في الدنيا ومثال للإرادة والعزبمه وهتخسو من غير مشي بس نعمل رياضه بسيطه واحنا قاعدين نحرك بيها الدوره الدموي اتنين دمبل أوزان خفيفه ونتسلا بيهم.
نظام غذائي بسيط ممكن نمشي عليه بعد رمضان او قبله
صيام ١٦ ساعه
منهم ساعات النوم
ونشرب مياه ومشاريب بدون سكر
(شاي أخضر واسود قهوه ينسون كراويه شمر كمون نعناع قرفه زنجبيل)
ونشرب مياه طبعا زي ما احنا عايزين
وفطار ٨ ساعات
الفطار
نشرب ٢ كوب ماء قبل الفطار
٢ بيض أو بيضه و ١٠٠ جرام جبنه طبيعيه
أو بيضه وخمس معالق فول
أو بيضه وبطاطسايه مسلوقه صغيره
+طبق سلطه كبير حتى الشبع
+ ربع رغبف
الغدا
٢ كوب ماء قبل الغدا
ربع فرخه
أو ٢٠٠ جرام لحمه
أو واحد سمكه بحدود ٤٠٠ جرام اي نوع مشوي أو في الفرن
أو ٢٠٠ جرام كبده في معلقة سمنه بلدي أو زيت زيتون
أو ٣ بيض مسلوق أو مقلي في معلقة سمنه بلدي
أو طبق أي بقوليات متوسط
+ حوالي ١٠٠جرام خضار مطبوخ
+ طبق سلطه حتى الشبع
+ خمس معالق رز أو مكرونه أو فريك
العشاء
علبة زبادي +خضار
بين الوجبه والوجبه ٤ ساعات
لينا حبتين فاكهه ناخدهم بين الوجبات وممنوع سكر وحلويات تماما
وممنوع استخدام الزيوت النباتية المهدرجه والمكرره زي دوار الشمس والدره والنخيل والكانولا وبذرة القطن والسمنه والزبده النباتي المهدرجه تماما
لينا معلقه أو اتنين بالكتير سمنه بلدي أو زيت زيتون للاستخدام اليومي
إذا أخدنا خبز بالفطار ممنوع رز أو مكرونه أو فريك في الغدا والعكس صحيح
ما تتخاتقش مع جسمك
انت عامل نظام غذائي عشان تعالجه ومادام بتعالجه بذات الداء .. التغذية .. يبقى الموضوع اكيد هياخد وقته
لا تتعجل ابدا ولا تمسك له الميزان
احنا عيشنا عمرنا كله رميين الميزان ورا ضهرنا .. اشمعنى دلوقت بنطالب بالنزول السريع وكاننا هاااا بقى هتنزل 20 كيلو اسبوعيا ولا ارجع اكل تاني
كل وارجع لحياتك السابقه هو مش هيمنعك بس استحمل بقى الى هيجرى
نظام الكيتو واللو كارب مع الصيام المتقطع علاج وليس نزول سريع والعبط دا فالنزول السريع مرض والعياذ بالله مش عايزة اقولك اسماء الامراض دور عليها بنفسك ..
الجايزة الكبرى هي الصحة العامة الى احنا بندمرها بعدم اعادة النظر بما فى اطباقنا يوميا ونظام ابلع واجري دا احلى حاجة فى حياتنا الاكل
التعليقات مغلقة.