طريقه عمل (النجريسكو)
هتسلقى كمية المكرونة اللى هتعمليها وتحطيها فى مصفى وتشطفيها بالمية هتعصجى اللحمة المفرومة هتشوحيها الاول وبعدين تضيفى عليها بصلة مقطعة وطماطماية وفلفلاية مقطعة وتقلبى وتضيفى كوباية مية وتقلبى لحد ما تتشرب وتستوى
هتجهزى فراخ مخلية وتقطعيها قطع صغيرة وتنقعيها ربع ساعة فى خلطة الشاورما الجاهزة وعليها فنجان خل و كوباية زبادى وتقلبيها كويس بعد ربع ساعة هتحطيها على النار وتقلبيها لحد ماتتشرب وتضيفى عليها بصلاية صغيرة مقطعة وطماطماية وفلفلاية مقطعين وتقلبى لحد ماتتشرب وتستوى
هتجهزى البشاميل عبارة عن كيلو لبن وعليه٥ملاعق دقيق وملح وفلفل اسود وملعقة كبيرة سمن وتقلبيهم على البارد بالمضرب اليدوى وترفعيهم على النار وتقلبى لحد ما تتخن شوية وتشيليها من على النار هتضيفى على المكرونة المسلوقة جزء من البشاميل وعليها شاورما الفراخ وتقلبيهم على بعض وتدهنى الصينية بالزيت وتضيفى الخليط كله فيها وتحطى باقى الباشميل على وشها
__هتدخليها الفرن المتوسط الحرارة بعد تسخينه لحد ما الوش يحمر وبالهنا والشفا….
التعليقات مغلقة.