قالت ستي …
خايفة أهزك يا غربالي .. يُقَع منك كل عزيز وغالي
قالت ستي …
إللي يعاتب الرخيص بيرخص معاه
قالت ستي …
إللي في قلبي على لساني .. وإللي مش عاجبو ينساني
قالت ستي …
مش كل الورد اتخلق للشم .. ولا كل البشر بتنفدى بالدم
قالت ستي …
لا تضرب ولا تعمق في الجرح .. 💔 ما بعد العداوة إلا الصلح
قالت ستي …
ناس ناموا عندنا ليلة .. فكروا بقى حالهم من العيلة
قالت ستي …
بنت الأصل🙎🏻♀.. تخلي كوخها قصر 🎰
قالت ستي …
ربنا يخلي لنا عقولنا .. لغاية ما نوصل لقبورنا
قالت ستي..
عند المصالح الناس بتتصالح
قالت ستي …
ناس من لحمك ودمك بايعينك .. ماتلومش بقى على
اللي لسه امبارح عارفينك
قالت ستي …
مش كل إللي بيحكي فهيم .. ولا كل إللي بيسكت بهيم
قالت ستي …
ربنا يكفينا شر من رحب بينا وهللا .. ومن ورانا حكي علينا
وما خللا
*قالت ستي * …
اشكى لربك ونام .. ولا تشكى لبني آدم وتتهان
*قالت ستي * …
الدنيا في الضيق توريك .. مين بيبيعك، ومين بيشتريك
قالت ستي …
شيل الريحانة وشمها .. وخذ البنت على ريحة أمها
التعليقات مغلقة.