من كام يوم انتشر فيديو صادم لطبيب صيني أثناء أستئصاله لرئة ظهرت متضخمة ومتفحمة لرجل ٥٢ سنة بعد وفاته متأثرا بأمراض الصدر . والفيديو حقق نسب مشاهدة عالية جدا خلت كل وسائل الإعلام تتكلم عنه…..

المتوفى كان مدخن شره لأكتر من ٣٠ سنة .. وده وصل رئته للحالة المخيفة اللى ظهرت فى الفيديو والصور….

الطبيب الصيني صرح ان ده شكل رئة ملايين المدخنين اللى مش بيحسوا بحجم الكارثة إلا بعد ما تكون الحالة وصلت لمراحل متأخرة جدا صعب علاجها..وقال انه بيتمنى أن نشر الصور يكون وسيلة أكثر إقناعا من أى كلام بنسمعه عن التدخين وأضراره…..

الصور صادمة ومخيفة فعلا .. ولعلها تكون سبب فى شفاء حد من لعنة ادمان التدخين اللى يعتبر سبب مباشر فى وفاة أكتر من مليون ونصف شخص سنويا .. غير أنه بيرفع نسبة الإصابة بسرطان الرئة ل ٣٠ ضعف….