عارف لما تقول لحد جتك نيله
او جتك ستين نيله :
كلمات بنستخدمها في الشتايم العامية المصرية لما بنتضايق من حد
بس عمرنا ما فكرنا نسأل هو يعني إيه نيلة ؟؟ تعالوا نعرف معناها في قصتين
- الأول ما هي النيله؟
النِّيلَة (أو النِّيلَج) هي صبغه لونها أزرق بتستخرج من ورق نبات النيل و الصبغ المستخرج ده بيفضل ثابت لما بيتخلط بالمياه ومش بيدوب وبيلزق في أي حاجة قدامة أو مبيطلعش - القصه الأولي ↓
بيرجع استخدام النيله في الماضي انه كان من عادة الستات يحطوا النيلة دي على وشهم أو هدومهم كتعبير عن حزنهم على موت حد عزيز عليهم
وعبارة (جاتك نيلة) معناها الحرفي (جاتك مصيبة) لأن المصيبة بيترتب عليها وضع النيلة على وشك
ومن الشتايم الي بنستخدم فيها كلمة النيلة برضو (شيل النيلة) أو (اتنيل على اللي جابوك) او (جاتك60 نيلة)
لأن زي ما قولنا ان صبغة النيلة لو وقعت على الإيد بتفضل مصبوغة بيه مدى الحياه فبتتقال على سبيل التوبيخ يعني- اما القصه الثانيه ↓
فهي بترصد فكرة تانية إيجابية بعيدة عن التوبيخ
النيلة الزرقاء هي سر من أسرار الجمال عند المراة المصريه القديمه وكانت بتستخدمها في ادوات التجميل , حتى دلوقتي رجعت العادة دي وبقوا بيعملوا منها ماسكات وكريمات , المهم …
النيلة معروفة في بلاد المغرب بأنها تحفة في تبييض وتفتيح البشرة وأغلب نساء المغرب بيحاولو يحفاظوا على بشرتهم نضرة ومشرقة
فلما يقولك زوجك اتنيلي متضايقيش منه لأنه كده بيقولك خليكي جميلة وتألقي
التعليقات مغلقة.