لو معاك 10 جنيه يبقي تعمل زى الناس دى وتجمع اصحابك وتقسموا كل واحد هيجيب ايه وتطلعوا على محمية وادى دجلة
هتتمشي و تجيبوا لحمتكم و الشوايه و تقضوا يوم مش هيتنسى ابدا خصوصا ان ده الجو المثالى هتكون فكرة مدهشة ننصحك جدًا إن تجرّبها ولو لمرة واحدة!
دخول الفرد ب 10 جنيه
دخول العربية او العجله ب ٢٠ جنيه
البيات ب 25 جنيه
محمية وادي دجلة ميزتها الرئيسية
مع كل ده إنها في قلب القاهرة وهتدخل مود مختلف تمامًا عن القاهرة وزحمتها وأصواتها العالية.
المحمية موجودة في زهراء المعادي، لو جاي مواصلات فأحسن طريقة انك توصل موقف عرب المعادي ومن هناك اركب للزهراء وانزل اخر الخط عند المسجد الكويتي واتمشى لحد بوابة المحمية .. ولو جاي بعربيتك ففيه مكان آمن ومناسب جدا تركن فيه ده غير إنك تقدر تدخل بيها لو تحب..
** أهم حاجة نرجو منكم عدم ترك اى مخلفات تماما وراكم وتنظيف المكان بالكامل قبل ما تمشى
التعليقات مغلقة.