رسالة مؤثرة تركتها فاطمة السيد رضوان من الجمالية بعد صراع كبير مع المرض
⬅️ إلى أهلي وإخواتي الأحبة كان نفسي أعيش في وسطكم حلوين مع بعض بس المرض كان أقوى مني ولو اني مت متزعلوش إنتوا تفرحولي وأنا ممتش ولادي مكاني خلوا بالكم منهم ووديهم يا رشا زي ما كنتي بتبعتيلي إبعتيلهم أنا عارفة إن إنتي حنينة.
⬅️ يا لمياء آية غلبانة إعتبريها بنتك الثلاثة آية يا لمياء آية يا أبي إنت ومحمد تروحوا للعيال وعمرو خليكم حنينين عليهم وأما يكون عندكم مناسبة تجبيهم يا رانيا إنتي بتكلميني على طول في التليفون إعتبريني موجوده وولادي مكاني وفي فرح شروق تجبيهم واوعي يا آية الصح من الغلط، وأمانة عليكم متدخلوش حد على غسلي متسبونيش، ومالك يا أمي خديه ربيه
أختكم فاطمة
⬅️ كان عندي أمل وكنت أقعد أفكر بكره هنكبر والعيال هتتجوز ونروح ونيجي قولوا لأولادكم ولاد خالتكم إعتبروهم إخواتكم.
⬅️ أنا عارفة إن إنتوا تعبتوا معايا يارب ما تشوفوا اللي أنا شوفته ولا ولادكم ولا يضرهم شيئ
فضلا وليس أمرا برجاء الدعاء لها
التعليقات مغلقة.