.
عالم نفس سلوكي عمل تجربة لطيفة ..
جاب قردين في قفصين جنب بعض بحيث كل واحد يشوف التاني من قفصه ..
وبعدين دخل حصوة للقرد الاول وطلب منها يخرجهاله تاني .. فخرجهاله .. اداله شريحة خيار .. القرد الاول اتنطط من الفرحة.
فراح مدخل نفس الحصوة للقرد التاني .. لما خرجهاله اداله ثمرة فاكهة .. القرد التاني اتنطط من الفرحة والاول شاف المشهد ..
.
رجع ودخل حصوة للقرد الاول .. خرجهاله .. اداله شريحة خيار .. رماها في وشه .. ليه ؟!
في الاول كان فرحان بشريحة الخيار لانه شافها مكافأة كبيرة بالنسبة للمجهود البسيط اللي عمله ..
لكن بعد كدا شاف زميله بيقوم بنفس المجهود وبياخد مكافأة اكبر بكتير .. فحس بالظلم والتمييز ..
.
هنا بقي هكلمك كأحمد واقولك :
- في ميزان البيزنس .. لازم تحط ستارة بين القفصين .. ولازم تفهم ان انحسار جزء من الستارة دي ولو بسيط هيخلق مشكلة كبيرة في شركتك .. مشكلة مبتتشافش .. بتتحس !!
- في ميزان الاخلاق مينفعش تفاضل يبن اتنين موظفين متساوين بيقوموا بنفس المهام ونفس الكفاءة.
التعليقات مغلقة.