سياره كهربائيه يباني من سوبارو أعلنت عن أول عربية كهربائية ليها وكده رسمياً إنضمت معانا للمنافسة

سياره كهربائيه من سوبارو أعلنت عن أول عربية كهربائية ليها وكده رسمياً إنضمت معانا للمنافسة

العربية دي إسمها سولتيرا.. وسوبارو إستفادت بشكل كبير من تحالفها مع تويوتا لإن سولتيرا هي الأخت الغير شقيقة لتويوتا BZ4X اللي تم الإعلان عنها من كام أسبوع

سولتيرا هي بحجم السوبارو فورستر تقريباً، وبتيجي بنسختين.. أولهم نسخة دفع أمامي بموتور واحد بينتج 201 حصان وبتوصل لمدى قيادة 530 كيلومتر والنسخة الأقوى بدفع كلي، وموتورين بينتجوا 215 حصان ومدى قيادة 460 كيلومتر

وفي حين إن تويوتا كانت إختارت ألوان داخلية هادئة وخامات مستوحاة من صالون البيت عشان تحسسك بالراحة سوبارو بقا دخلت بالألوان الحادة أكتر واللي بتدي إنطباع مختلف تماماً عن الBZ4X، وبشكل عام تحس العربية من ناحية التصميم بتوحي إنها أرشق ورياضية أكتر.

سولتيرا هتبتدي تبيع رسمياً في منتصف 2022، ولكن للأسف مش متوقع نشوفها عندنا بشكل رسمي

تفتكر بما إن العربيات الكهربا معفاه من الجمارك، ممكن نبتدي نشوف العربيات الكهرباء الياباني