الأصل في العلوم الحياتية اننا نحصل العلوم الشرعية المرتبطة بيها

الأصل في العلوم الحياتية اننا نحصل العلوم الشرعية المرتبطة بيها
.
فمثلا .. مينفعش محاسب ميبقاش عارف فقه المعاملات المالية اكتر من شيوخ لجان فتوى الازهر نفسهم ..
مينفعش طبيبة تجيلها واحدة تقولها هاخد حبوب منع حمل علشان تأخر الحيض واعرف احج .. ومتعرفش ان كان دا مباح وحجها صحيح ولا لا ..
مينفعش طبيب بيطري ميبقاش عارف احكام الاضحية والذبائح ..
.
.
العلوم الشرعية المرتبطة بالتخصص تحصيلها بياخد حكم ( فرض العين ) علي اهل التخصص ..
.
لكن لاننا – للاسف – اهملناها لابعد الحدود .. فبقى عندنا اللي بيجمع بين العلوم الشرعية والحياتية كائن فضائي!!! مع انه مجرد ادى فرض واجب عليه .. زي الصلاة والصيام .. معملش حاجة زيادة

وبقي عادي جدا تلاقي واحد يفتي بغير علم .. واحد ميعرفش ألف باء اقتصاد وبيصدر فتاوي متعلقة بالبنوك والعملات ..

واحد ميعرفش ألف باء طب وبيصدر فتاوى متعلقة بزراعة الاعضاء ..
.
طلب العلم الشرعي المرتبط بتخصصك فرض عين زيه زي كل مسائل وافرع العلم الشرعي اللي محتاجها علشان تقيم عباداتك ..

انا كتبت المقال دا لاني قريت خبر موت شون رودن بطل مستر اوليمبيا السابق .. ودا فكرني اني مشوفتش واحد من العلماء ( اللي بيجمعوا بين العلم بالشريعة والطب ) اتكلموا في موضوع الهرمونات المستخدمة في مجال كمال الاجسام ..
.
وبتكلم هنا عن كمال الاجسام من الناحية الطبية .. مش موضوع العورات والكلام دا ..
غير ان السنادي بطلين من مصر ماتوا في عز شبابهم .. وبطل من العراق .. ربنا يرحمهم .. وتقريبا في نفس التوقيت كما لو كان فيه نوع مكمل او هرمون جديد انتشر وهم فيران تجارب للشركة المنتجة !! ومن سنة قعد يوسف افانا بتاع الجزائر 5 ايام في السرير فقد خلالهم 8.5 كجم!!
.
.
كمان احد الافاضل سألني .. هو المهندس مفروض يذاكر ايه من العلوم الشرعية .. انا رديت عليه .. بس زعلت اوي لما صدمني وفكرني اني متكلمتش علي العام في الموضوع دا قبل كدا مع انى مفروض اكون متصدر لتوجيه ابناء تخصصي للعلوم الشرعية المرتبطة بتخصصنا ..