شقة تمنها ٢٠٠ الف تسجلها ب٢٥ الف جنيه. ولو اكتر هيضاعف المبلغ
شقتك ..مش شقتك لحد ما تسجل ..❗
بخصوص ..
- تسجيل العقارات وما تردد مؤخراً من أن الرسوم لن تقل عن خمسمائة جنيه ولن تزيد عن ألفي جنيه ..
ج – - حضرتك بتروح تقدم طلب للشهر العقاري ..
بتدفع فعلا رسم الطلب حسب مساحة الوِحْدَه ..
يعني لو أقل من ١٠٠ متر هتدفع 500 جنيه فعلا
اه والله ولو اكتر من ١٠٠ هتدفع الف ..
س — كده سجلنا ؟!
ج – لأ طبعا
ده لسه في تصديق نقابه المحامين علي العقد .
بنسبة ١٪ من قيمة العقد ..؟
يعني لو شقتك مثلا ب ٢٠٠٠٠٠ جنيه هتدفع ألفين جنيه لنقابة المحامين ..
س — ماشي يا سيدي ، كده سجلنا ؟
ج — لأ لسه ، في ضريبة التصرفات ..
٢.٥٪ من قيمة العقد ..
س — مش دي علي البائع ؟
ج – ايوووون ، ادفع وابقي طالبه بيهم
س — اااه ، طيب كده نبقي سجلنا ؟
ج — لا ده فيه لسه رسم المساحة ١٩٠ جنيه لو أقل من ١٠٠ متر و ٣٨٠ لو اكتر من ١٠٠ ، ولو اكتر من ٢٠٠ متر ٥٧٠ وهكذا ..
س — وكده خلص سجلنا ؟
ج – يا عم اصبر
لسه في رسم هندسي يعني رينج ألف جنيه ، وقدامك حل من اتنين أما تعمله في مكتب هندسي معتمد ، وتمشي حالك مع البيه بتاع المساحه علشان يعتمده أو تتفق مع مهندس المساحه يعمله ويعتمده بمعرفته وتدفع مره واحده
يعني اعمل حسابك في الفين جنيه
س — لاااا كده كتير خلاص مش هندفع اكتر من كده ؟!
ج –اصبررررر
بعد ما المساحة تخلص وتعمل كشف تحديد ..
هتروح ترفع الدعوي في المحكمة
هتدفع رسوم حسب قيمة العقد
ضريبه ودمغه واتعاب محاماه ورسم دعوي في حدود من ٥٠٠ جنيه لألف جنيه حسب قيمة العقد
وبعدين تروح الشهر العقاري تدفع الامانه القضائية
س — ودي ايه دي كمان القضائية أن شاء الله ؟
ج — دى رسوم تحت حساب شهر الحكم ، تدفع ٧٥٪ منها والباقي عند تسجيل الحكم
س — طيب دي قيمتها كام ؟
ج — دي قيمتها ٤٥ جنيه علي كل الف
يعني لو عقدك ب ٢٠٠ الف ، هتدفع ٩٠٠٠ جنيه ، منهم ٦٧٥٠ في الشهر العقاري و ٢٢٥٠ بعد الحكم
س — هاااااا كده سجلنا ؟
ج — لا طبعا ، اصبر..
لو ربنا كرمك وخلصت القصه دي في أقل من سنه ورفعت الدعوي واخدت حكم ، هتروح تسجل الحكم وتدفع باقي الأمانة القضائية زي ما قلنا
ولو لا قدر الله مخلصتش في سنه هتعيد الكره من جديد ، عدا التصديق على العقد في نقابة المحامين.
س — طيب خلصنا وخدنا حكم خلاص كده ؟
ج — لأ طبعاً
س — ايه تااااني ؟!
ج — لسه الأتعاب.. ودي تقريبًا زي الرسوم لأنها مرهقة جدًا…
التعليقات مغلقة.