بخصوص موضوع الازالات و المحاور الجديدة و كل الكلام ده عايز اوضح كام حاجه مهمين بس للناس
في البداية لما بيبقي في اي مشروع … الشركة المالكة للمشروع اللي هتبقي في حالاتنا يا هيئه المجتمعات العمرانية يا محافظة الجيزة
بتبعت تفاصيل المشروع لمكتب استشاري هندسي اي كان اسمه
المكتب الاستشاري ده بيبعت ناس اسمهم مساحين
المساح بينزل يرفع أبعاد المكان اللي فيه المشروع ده و يبعت للمكتب الاستشاري الخاص بيه
المكتب الاستشاري بيرسم الموقع العام علي لوح هندسية بمسمي اسمه cad مثلا و هتلاقي مثال ليه الصورة دي و بيحدد ساعتها مسار المباني بناء علي حسابات خاصة بالسرعه و طبيعة الأرض و حاجات كتير جدا
بعد كدة الجهه المالكة للمشروع بتبعت الرسومات بتاعت المكتب الاستشاري لشركة مقاولات مثلا المقاولين العرب
ينزلوا علي الارض للتنفيذ و بيتم تعديل الرسومات بناء علي طلب الجهه المنفذه من خلال المكتب الاستشاري
كل ده بيتم بعمليه هندسية دقيقه و بيتم مراعاه كل نقطه فيه
طيب بالنسبة لموضوع ازالات البراجيل
هل في مساحين نزلوا ؟!
هل حد يعرف اسم الشركة المنفذة للمشروع
هل حد شاف الرسم الهندسي
لا ؟! يبقي كل الكلام ده هري و افتراء و حرام عليكم حاله الهلع اللي بتحصل للناس دي
التعليقات مغلقة.