الغريق محمد عزت بلال

السؤال /

محمد غرق في البحر ؟

الجواب /

ايوة والله محمد غرق فى البحر
محمد ما بيعرفش يعوم محمد طالب فى ثانيه ثانوى شاب محترم جدااا وأهله فوق الاحترام والوصف محمد كان مع ٱصحابه وكان فى نفس اللحظه شاب ثانى بيغرق وصاحبه شدة لاكن محمد إرادة ربنا هى فوق الكل وتم غرقه.

السؤال /

اتأكدتوا أن نزل البحر ممكن يكون يروح كدة ولاكدة ؟

الجواب/

لا يابنائدمين محمد نزل البحر لانى فيها. كاميرات على الجسر وعمه راح وشاف اتاكد لم محمد عدى ومرجعش
السؤال / طيب ابوة عامل ايه ربنا يصبرة ويريح قلبه ابوة شال حمل ما يشيله جبال ابوة دفن أخته عروسه وبعدة محمد طالب فى ثانيه ثانوى غرق الله يرحمه ابوة من ساعه حادثة الغرق وهو قاعد بيصلى ويقرا القران هو ووالدته وربنا يبارك فى عمامه واهل البلد واقفين وقفة رجاله وكل بيصلى فى المكان وبيقرا الخاتمه اكثر من مرة .

السؤال /

هو الغريق مش بيطلع بعد ثلاث ايام ازاى يقعد الوقت دة كله

الجواب / الغريق فى الصيف بيطلع من ٢٤ ساعة ل ٤٨ ساعة بعد الغرق
اما فى الشتا الميه بتكون سقعة فيه بيقعد ثلاثة ممكن سبعة ممكن عشرة ممكن ٢٠ ممكن شهر وربنا ما يكتبها علينا ودى بترجع لإرادة ربنا لحاله الغرق. لان ممكن يقع فى مكان غويط زى الا فيه محمد او ممكن حاجة تشبك فيه أو حاجة تردم أو يتحشر بين شجرة عليه وان شاء الله ربنا يخرجه الى النور ؟.

السؤال / هو فيه غواصين كثير؟

الجواب /

ايوة فيه غواصين تبع للداخليه حوالى ثلاث فرق ناس محترمه منهم دقهليه وغريبه وقليوبيه
وفيه غواصين من أهل الخير
وفيه غواصين واخدين فلوس

السؤال /

طيب الغواصين دول كلهم ومحدش عارف يجيبه ؟

الجواب /

محمد الله يرحمه ربنا اعلم به لانى المكان الا غرق فيه فئة اماكن فيها جور تعدى ٢٠ متر ودى تم اكتشافه امس وباذن الله موجود بعد الغواصين الكفاءة غدا يتم النزول للمكان وربنا يجعله يوم سعيد علينا ويرد لينا محمد .

السؤال /

طيب محمد مش ممكن يكون مشى فى البحر؟

الجواب/

كل يوم بيتعمل عمليه تمشيط من قريه كفر طحله لحد الخمسين عين فى زفتى من على الجانبين والتقليب فى العفش

المقصود/
من الكلام منع الفتاوى والاشاعات الا ٱحنا بنسمعها كل يوم لأن احنا قلنا فتاوى أكثر من كتب الازهر اعمل بنصيحة سد بوقك تحفظ كرامتك يعنى مش هتخس لو مكلمتش لان اهله فيهم الا مكفبهم وربنا يصبرهم على هم فيه حط نفسك مكانهم ممكن تكون مكانهم وربنا ما يكتبها على. حد يارب مراعاة شعور الناس بالدنيا كلها وبعض الناس الا بتيجى وتلاقيها قاعدة وبتهزر على البحر حضرتك لو جاي فسحة ممكن تنتظر على البحر ورى أوتسمع مسرح مصر ياريت نخلى عندنا دم شويه اقسم بالله هم مش نااقصين . #النهاية.

انا بطلب من اى حد يشوف المقال بعنيه يدعى دعوة من قلبه ويدعى لمحمد محمد كدة عشرة أيام فى البحر ندعى أن ربنا يخرجة من ظلمات البحر لأنى مبقاش فيه ٱمل غير ربنا سبحانه وتعالى أن يخرجه من ظلمات البحر كما خرج يونس من بطن الحوت