طب يا جماعه عشان انا جالي امبارح المستشفى العام شاب ١٧ سنه وقع من على السلم وفقد ٤ اسنان نتيجة الخبطه ولما سالته فين الأسنان اللي وقعت قالي ع الارض مكان ما وقعت أهله قالولي نروح نجبها قولتلهم اه بس حطوها في مية بملح وامسكوها بطريقه معينه ( ومعرفتهم يمسكو الأسنان منين ) لقيتهم بعد نص ساعه جايين وماسكين الأسنان في اديهم ومش في ميه بملح قولتلهم خلاص مبقاش ينفع ارجعهم مكانهم تاني
كان ممكن الأسنان ترجع تاني وتتثبت في مكانها لو الناس عندها وعي وثقافه أو على الأقل المعلومه .. وعشان كده هنقول المعلومه وياريت الناس تشارك المعلومه دي .
لو حد من اولادك ( الله لا يقدر ) وقع والاسنان خرجت من مكانها ووقعت أمسك الأسنان باطراف صوابعك من الجزء اللي بيكون ظاهر في الفم مش من الجذر اللي بيبقي في العظم زي مهو باين في الصورة وحطها في كوباية فيها محلول ملح ولو مش عندك حطها في كوباية لبن ولو مش عندك خلي المصاب يحط الأسنان دي تحت لسانه لغاية متروحوا للدكتور .. الدكتور هياخد الأسنان ويعمل الإجراءات عشان يرجعها مكانها ويثبتها في مكانها
مشاركة خلوا الناس تعرف ويكون عندها المعلومه
المعلومه من:
جراح الفم والاسنان والوجه والفكين
التعليقات مغلقة.