نشوى العجوز طلعت مع رضوى الشربيني من كام يوم تقول إنها تتمنى زوجها يتزوج عليها، أو إنها تكون زوجه رابعه. شريحه كبيره من الستات استغربت دا، ووصلني الفيديو بتاعها من متابعين معتقدين انها بتبالغ أو بتكذب، لكن الحقيقة إنها مقتنعه تماما باللي بتقوله، وماعندهاش أي مانع في ان جوزها يتجوز عليها، في شريحه من الستات في مصر بالمناسبة مؤمنه بأفكارها دي منهم دعاء عبدالسلام اللي بتطلع في البرامج تنادي بالتعدد أيضا وتتمنى زوجها يتزوج، ودول في الغالب بيكونوا عاوزين حد يشيل الحمل معاهم او يريحهم بالأحرى من المسؤوليات، ناس اتحول الجواز معاها ان وجود الراجل part time افضل ليها من ال full time، اه والله زي ماحضراتكم بتقروا كدا في شريحه من الستات حاليا بتفكر كدا، وفي الغالب بيكونوا من الي اتعرضوا لخذلان في الارتباط او الزواج او اللي متشبعين بآراء سودويه عن الجواز والرجاله وإن مافيش امل وإن كلهم زي بعض ..
حابب اتكلم عن أحد مسببات دا: التعميم للاسف، مش كل الرجاله وحشين ولا كل الستات وحشين، الموضوع نسبي وحاسبوا كل شخص بيتعامل معاكم بشكل فردي وبناءً على سلوكه معاكم، عارف إن الكويسين قلوا، لكن التعميم تصرف طفولي وتفكير مراهق وخطأ سواء من النساء أو الرجال، الكوكب في ٧ مليار انسان، مش معقول كلهم سيئين، كون حضراتكم لم تلتقوا بأشخاص جيدين في حياتكم، فأكيد المشكله عندكم مش عند الناس .. ونمط التفكير دا للأسف هو اللي بيوصلنا لكتير من الحاجات الغريبه اللي بتظهر في المجتمع وبتستهجنوها.
دا مجرد سبب من الأسباب حبيت اتكلم فيه معاكم
التعليقات مغلقة.